Gweld Fi

Mae Gweld Fi yn archwilio'r senarios gwahanol y mae menywod a merched yn eu hwynebu, a hynny o safbwynt y dioddefwr.

Mae'r ymgyrch yn tynnu sylw at brofiadau bywyd menywod a merched ledled De Cymru er mwyn codi ymwybyddiaeth ac annog dioddefwyr i gysylltu, annog y broses o nodi arwyddion a rhoi gwybod amdanynt.

Mae Gweld Fi yn rhannu straeon am drais neu gam-drin domestig, ymddygiad rheolaethol a gorfodaethol, trais rhywiol, bygwth, stelcio ac aflonyddu, chwibanu, pornograffi dial neu gyffwrdd digroeso, a hynny er mwyn codi ymwybyddiaeth ac annog pawb i wrthwynebu pob math o gam-drin, a dwyn y cyflawnwyr i gyfrif er mwyn i ni allu sicrhau bod gennym gymdeithas lle y mae menywod a merched yn ddiogel.

Gall y troseddau hyn effeithio ar unrhyw un ni waeth beth fo'u hethnigrwydd, oedran, rhywedd, rhywioldeb, neu gefndir cymdeithasol.

Mae menywod a merched yn dioddef achosion o drais a chamdriniaeth i raddau anghymesur, ac maent yn dioddef mwy dan ddwylo partner, cyn-bartner neu aelod o'r teulu a dieithryn weithiau

Os ydych chi, neu rywun rydych yn ei adnabod angen help, cysylltwch â ni neu rywun rydych chi'n teimlo'n gyfforddus yn siarad ag ef, er mwyn i ni allu cymryd camau gweithredu.

Stori Amara*

“Byddai ei lygaid yn mynd mor dywyll, byddai'n fy sarhau, fel bod modd iddo gael ei ffordd, a fi fyddai ar fai am bopeth.”

Cafodd Amara ei cham-drin yn gorfforol ac yn feddyliol gan ei phartner ar y pryd, i'r fath raddau nad oedd hi'n sylweddoli mai camdriniaeth ydoedd tan i flynyddoedd fynd heibio.

Nid yw pob achos o gam-drin yn gorfforol nac yn weladwy, cam-drin domestig yw ymddygiad gorfodaethol a rheolaethol.

Stori Becky*

“Y cyfan roeddwn i am ei wneud oedd sgrechian ‘HELPWCH FI’.”

Yn gyhoeddus, disgrifiwyd partner Becky fel “partner gwych”, ond y tu ôl i ddrysau caeedig, cafodd Becky ei cham-drin yn emosiynol ac yn gorfforol ganddo.

Camdriniaeth gorfforol ac emosiynol yw cam-drin domestig: mae un achos yn unig yn cyfrif.

Stori Claire*

“Bu'm rhaid i'm merch ddweud ‘Mae Dadi fi wedi bwrw Mami fi‘ wrth y swyddog trin galwadau 999 pan ffoniodd am ambiwlans i mi.”

Roedd Claire yn cael ei cham-drin yn gorfforol ac yn emosiynol gan ei phartner ar y pryd.

Nid yw cam-drin domestig byth yn iawn. Nid chi sydd ar fai.

Stori Daisy*

“Mewn chwinc, newidiodd ei bersonoliaeth yn llwyr a dechreuodd fwrw fi yn fy wyneb.

“Rhwygodd fy nghlustdlysau allan a chefais lygad ddu, waedlyd.

“Roedd yn hollol ofnadwy.”

Mae un achos yn unig yn cyfrif fel cam-drin. Roedd Daisy* yn dioddef camdriniaeth gorfforol ac emosiynol yn ei chydberthynas gan ei phartner ar y pryd. Roedd ei ymddygiad yn peri iddi feddwl mai hi oedd ar fai, ac y dylai fod yn gariad gwell.

Nid chi sydd ar fai, dydych chi ddim ar eich pen eich hun.

 

*Nid eu henw go iawn. Rydym wedi gweithio gyda menywod a merched ledled De Cymru i ddatblygu'r ymgyrch hon. Rydym wedi cuddio eu hunaniaethau er eu diogelwch nhw.

Dywedodd y Prif Gwnstabl Cynorthwyol Joanna Maal:

"Mae trais yn erbyn menywod a merched yn flaenoriaeth i Heddlu De Cymru.

“Rydym am i'r holl fenywod a merched sy'n byw, yn gweithio, yn cymdeithasu neu'n astudio yn Ne Cymru fod yn ddiogel, ond hefyd i deimlo'n ddiogel, boed hynny mewn mannau cyhoeddus, gartref neu ar-lein.

“Dylai menywod a merched allu byw yn hyderus, heb deimlo ofn a heb i unrhyw un eu bygwth nac aflonyddu arnynt.

“Datblygwyd ein hymgyrch newydd, Gweld Fi, i dynnu sylw at y materion, i rannu gwybodaeth gyda'n cymunedau, i annog menywod a merched i roi gwybod am ymddygiadau ymosodol neu gael cymorth amdanynt ac annog gwylwyr i dynnu sylw at ymddygiadau ymosodol a'u herio. Ac yn y pen draw, lleihau achosion o drais, aflonyddu a chamdriniaeth.”

South Wales Police and Crime Commissioner Emma Wools said:

“Tackling violence against women and girls remains a key priority of mine, and while some progress has been made across South Wales Police force area towards improving our collective response, clearly, there is a long way to go.

“The voices of brave victims and survivors, sharing their experiences are crucial for us all to understand how the impact of all forms of VAWG restricts freedom and liberty and erodes away at self-esteem and confidence.

“I hope that the See Me campaign raises awareness through the sharing of experiences and connects with other victims and survivors who need our help.  including those who are marginalised and have additional barriers to accessing support.

“I’d like to offer my sincere thanks to those survivors who have shared their voice to develop this campaign to raise awareness and encourage others seek support.

“I hope this campaign will encourage and strengthen our collective awareness and responses to the needs of women and girls from all communities when they seek the support and guidance.”

Hanes rhyngrwyd

Os nad ydych am i rywun wybod pa wefannau rydych chi wedi ymweld â nhw, gallwch ddod o hyd i gyngor ar Sut i guddio’r ymweliad â’r dudalen hon o’ch hanes ar y we.