Dinoethi anweddus a sarhau gwedduster cyhoeddus

Dinoethi anweddus

Dinoethi anweddus (sy’n cael ai alw’n ‘dinoethi’ yn y gyfraith, ac sydd weithiau'n cael ei adnabod fel 'fflachio') yw pan fydd rhywun yn dangos ei organau rhywiol yn fwriadol er mwyn dychryn rhywun arall neu beri gofid iddyn nhw.

Gall dynion a menywod gyflawni dinoethi anweddus. Gall ddigwydd yn gyhoeddus neu'n breifat.

Sarhau gwedduster cyhoeddus

Trosedd wahanol, sef sarhau gwedduster cyhoeddus, yw pan fydd rhywun yn gwneud rhywbeth anllad, anweddus neu ffiaidd ym mhresenoldeb o leiaf ddau aelod o'r cyhoedd.

Beth i'w wneud os bydd hyn yn digwydd i chi

Efallai y byddwch yn teimlo pryder, ofn, diffyg ymddiriedaeth neu fel pe bai rhywun wedi ymyrryd â chi. Neu efallai na fyddwch chi’n teimlo braw neu ofid o gwbl. Does dim ffordd gywir neu anghywir o deimlo.

• Edrychwch i ffwrdd a symudwch i ffwrdd, os gallwch chi.
• Peidiwch â chael dim byd i wneud â’r troseddwr yn uniongyrchol.
• Ceisiwch beidio â dangos ymateb emosiynol cryf.
• Os ydy hi'n bendant yn ddiogel gwneud hynny, ystyriwch dynnu llun ohonyn nhw o bellter diogel.
• Riportiwch y drosedd i ni, os ydych chi'n teimlo y gallwch chi.

Riportiwch y peth

Mae'n cymryd dewrder i riportio rhywbeth anghyffyrddus, ond os ydych chi’n teimlo y gallwch chi siarad â ni, fe fyddwn ni bob amser yn eich cymryd chi o ddifrif.

Gall eich adroddiad ein helpu i atal hyn rhag digwydd i rywun arall. Weithiau mae pobl sy'n cyflawni'r math hwn o drosedd yn mynd ymlaen i gyflawni troseddau mwy difrifol.