Gofyn am adroddiad ar wrthdrawiad
Nid ydym yn darparu adroddiadau ar wrthdrawiadau mwyach, mae'r broses bellach fel a ganlyn:
Os ydych yn gyfreithiwr neu'n asiant yswiriant, gallwch wneud cais ar ran eich cleient am gopi o unrhyw wybodaeth am Wrthdrawiad Traffig Ffordd y gall yr heddlu fod wedi'i chynhyrchu neu a all fod ganddo.
Os ydych yn cynrychioli eich hunan mewn achosion sifil, rydych hefyd yn gymwys i wneud cais.
Gallwch hefyd ofyn am gyfweliad â swyddog yr heddlu a wnaeth ymdrin â'r gwrthdrawiad traffig ffyrdd, os bu ymchwiliad iddo a'i fod wedi'i gwblhau.
Gwybodaeth nad ydym yn ei darparu
Nid ydym yn darparu gwybodaeth am Wrthdrawiad Traffig Ffordd am y canlynol:
- difrod yn unig (gan gydymffurfio ag Adran 170 Deddf Traffig y Ffyrdd 1988, yn ogystal â chwmpasu dim un o swyddogion Heddlu De Cymru yn bresennol)
- methu â stopio ar ôl gwrthdrawiad mewn maes parcio
- methu â stopio lle nad yw'r rhif cofrestru yn hysbys
- deunydd Teledu Cylch Cyfyng - cysylltwch â gweithredwr y Teledu Cylch Cyfyng
At bwy y gallwn anfon y wybodaeth
Byddwn ond yn anfon gwybodaeth i'r canlynol:
- partïon neu eu cynrychiolwyr achrededig sy'n gysylltiedig â'r achos sifil neu'n ystyried un
- cwmnïau yswiriant, undebau llafur neu gymdeithasau ystyriol sy'n gweithredu ar ran y parti sy'n gysylltiedig â'r achos
Manylion y gellir eu rhyddhau
- penderfyniad terfynol y Gwrthdrawiad Traffig Ffyrdd (RTC), sy'n cynnwys yr achos llys sydd wedi'i ddirwyn i ben yn y llys
- dyddiad a lleoliad y gwrthdrawiad
- enwau a chyfeiriadau'r gyrwyr a'r perchnogion ar adeg y gwrthdrawiad (lle y bo'n gymwys)
- manylion am unrhyw un a anafwyd (os yw'n gymwys)
- gwneuthuriad, model a rhif cofrestru'r cerbyd
Gwybodaeth Ychwanegol
Mae ffioedd ychwanegol am wybodaeth ychwanegol a all gynnwys y canlynol:
- rhestr o dystion/teithwyr heb eu hanafu (os yw'r wybodaeth hon ar gael a bod cydsyniad wedi'i roi i ryddhau eu manylion drwy Heddlu De Cymru)
- datganiadau gan dystion (os ydynt ar gael a bod cydsyniad wedi'i roi i'w rhyddhau)
- ffotograffau (os ydynt ar gael ac wedi'u golygu)
- unrhyw ddogfennaeth arall a all fod ar gael ac sy'n dibynnu ar ein cofnodion (os yw'n gymwys)
Gallwch ond gwneud cais am wybodaeth ychnwaegol, os bydd ar gael, ar ôl i chi dderbyn manylion trydydd parti (lle y bo'n briodol) yn ogystal â'r penderfyniad terfynol gan Heddlu De Cymru.
Sut i wneud cais
Llenwch y ffurflen isod a'i hanfon ymlaen gyda siec i'r cyfeiriad sydd ar y ffurflen.
Neu, gellir gwneud taliad drwy BACS. Gweler y manylion llawn ar y ffurflen isod.
Os bydd gennych unrhyw ymholiadau, anfonwch e-bost atom.
Costau
Am ffi o £43.80 na ellir ei had-dalu, byddwn yn chwilio System Rheoli Cofnodion Heddlu De Cymru i ganfod unrhyw wybodaeth sydd ar gael y gellir ei rhyddhau. Bydd y ffi hon yn talu cost anfon manylion trydydd parti atoch os deuir o hyd iddynt.