Adrodd i Adfer: mae pob adroddiad yn cyfrif
Gall ymddygiad gwrthgymdeithasol niweidio cymunedau. Ond nid oes digon o bobl yn ei riportio.
Mae eich swyddogion lleol yn ymroddedig i fynd i'r afael â'r broblem. Mae pob adroddiad a wnewch yn ein helpu i gael atebion er mwyn sicrhau newid cadarnhaol yn eich cymuned. Mae pob adroddiad o bwys.
Beth yw Adrodd i Adfer?
Mae Adrodd i Adfer wedi'i greu ar eich cyfer chi, eich cymuned a'ch diogelwch. Bydd yn eich helpu i ddeall sut i roi gwybod am ymddygiad gwrthgymdeithasol, i bwy, a beth sy'n digwydd ar ôl i adroddiad gael ei wneud.
Mae pob adroddiad yn cyfrif.
Os ydych yn dyst i ymddygiad gwrthgymdeithasol yn eich cymuned leol, rydym am glywed gennych chi. Oherwydd, pan fyddwch yn gwneud adroddiad, mae'n cyfrannu tuag at ddata trosedd a all arwain at atebion cymunedol penodol.
Cwestiynau cyffredin am ymddygiad gwrthgymdeithasol
Ymddygiad troseddol a di-droseddol yw ymddygiad gwrthgymdeithasol sy'n achosi aflonyddwch, gofid neu niwed i berson.
Mae ymddygiad gwrthgymdeithasol yn effeithio ar fywydau bob dydd pobl. Mae'n annerbyniol. Dyna pam ei bod yn bwysig gwybod beth yw ymddygiad gwrthgymdeithasol a pham y dylech ei riportio.
Mae enghreifftiau yn cynnwys:
o Aflonyddu, braw neu ofid i unrhyw berson nad yw o'r un cartref
o Rhywun arall yn teimlo dan fygythiad personol
o Niwsans cyhoeddus neu effaith andwyol ar yr amgylchedd
o Effaith andwyol ar ansawdd bywyd unigolyn neu'r gymuned gyfan
o Cerbydau oddi ar y ffordd
o Fandaliaeth a graffiti
o Diflastod sŵn
o Camddefnyddio tân gwyllt
o Niwsans neu ddefnydd amhriodol o gerbyd
o Tresmasu
o Yfed ar y stryd
o Problemau anifeiliaid
Os yw unrhyw un o'r enghreifftiau hyn yn achosi gofid i chi, gallwch roi gwybod i ni yma.
Ffoniwch 999 os bydd argyfwng.
Cam 1 Adrodd am unrhyw achosion o ymddygiad gwrthgymdeithasol ar-lein.
Cam 2: Caiff eich adroddiad ei gofnodi i'w asesu.
Cam 3: Rydym yn ymchwilio i'ch adroddiadau.
Cam 4: Byddwch yn derbyn hysbysiad, yn dibynnu ar y math o adroddiad gallech dderbyn galwad neu e-bost.
Cam 5: Yn dilyn yr ymchwiliad, rydym yn defnyddio'r adroddiadau i adeiladu map cyfoethog o ddata troseddau i arwain ymatebion gan yr heddlu sydd wedi'u targedu.
Ni ellir mynd i'r afael â phob adroddiad ar unwaith, neu mae angen i'r ateb fod yn fwy hirdymor. Po fwyaf y byddwch yn adrodd, y mwyaf y gallwn weithredu a chadw eich cymuned yn ddiogel.
Dilynwch Project Pinpoint
Dysgwch am ein lleoliad Adrodd i Adfer cyntaf isod a darganfyddwch sut rydym yn defnyddio manylion adroddiadau ymddygiad gwrthgymdeithasol i greu newid cadarnhaol i'r gymuned.
Cadwch lygad am ein pin drop nesaf mewn menter gymunedol lwyddiannus arall gaiff ei chynnal ledled de Cymru, er mwyn mynd i’r afael ag ymddygiad gwrthgymdeithasol.
&w=1024&h=432&scale=both&mode=max)
Dilynwch Adrodd i Adfer ar ein sianeli cyfryngau cymdeithasol a dysgwch fwy am sut rydym yn mynd i’r afael ag ymddygiad gwrthgymdeithasol mewn cymunedau.