Hwyl, sbri a dim ASB: Cadw traeth Aberafan yn ddiogel yr haf hwn

Diolch i bobl a wnaeth riportio ymddygiad gwrthgymdeithasol yn Aberafan, fe wnaethom ddefnyddio'r data hwn i nodi glan môr Aberafan fel man problemus o ran ymddygiad gwrthgymdeithasol ac roedd modd i ni wneud newidiadau cadarnhaol yn eich cymuned.

Fe wnaethom weithredu.

Gwnaeth swyddogion o'n Tîm Plismona yn y Gymdogaeth yn Aberafan ddatblygu Ymgyrch Adriatic sy'n mynd i'r afael â materion ymddygiad gwrthgymdeithasol ar lan y môr ochr yn ochr â phartneriaid fel Cyngor Castell-nedd Port Talbot, Castell-nedd Port Talbot Mwy Diogel, yr RNLI ac eraill, sydd wedi helpu i wella ymddygiad gwrthgymdeithasol.

Gostyngodd achosion o riportio ASB o 00% yn 2024 i 00% yn 2025.

Ar adegau drwy gydol yr haf, bydd gorchymyn gwasgaru Adran 35 yn cael ei awdurdodi ar y traeth, sy'n golygu y bydd pobl sy'n rhan o ymddygiad gwrthgymdeithasol yn gorfod gadael yr ardal.

Mae ein gwaith yn parhau i sicrhau ein bod yn atal ymddygiad gwrthgymdeithasol ac yn gwneud glan môr Aberafan yn lle diogel a phleserus i bawb.

Dywedodd yr Arolygydd Andrew Price:

“Nod Ymgyrch Adriatic yw atal problemau ymddygiad gwrthgymdeithasol cyn iddynt ddigwydd. Yn rhan o'r gwaith amlasiantaethol hwn, byddwn yn ymgysylltu â'r cyhoedd ochr yn ochr â'n partneriaid a hyrwyddo cyfrifoldeb ar y cyd er mwyn cadw'r traeth yn ddiogel a sicrhau nad oes unrhyw weithgarwch anghyfreithlon.

"Trwy gyfuno ein hadnoddau a chydweithio gyda phartneriaid, gallwn atal problemau rhag gwaethygu a chynnig cymorth i drigolion yr effeithir arnynt."