Project Pinpoint #1

Mae Heddlu De Cymru yn cydnabod bod llefydd agored a meysydd parcio yn fannau â phroblem ymddygiad gwrthgymdeithasol, ond diolch i'r nifer fawr o adroddiadau a wnaed, cyflwynwyd ateb ymarferol, a arweiniodd at ostyngiad yn nifer yr adroddiadau o ymddygiad gwrthgymdeithasol.

Gan ddefnyddio data heddlu o adroddiadau, llwyddodd ein swyddogion i adnabod maes parcio Hamdden Pen-y-bont ar Ogwr fel man â phroblem ymddygiad gwrthgymdeithasol ac roeddent yn gallu datblygu datrysiad wedi’i dargedu.

Fe wnaeth ein Rhingyll, Dan Parry, gysylltu â chlwb rygbi'r Gweilch er mwyn helpu i fynd i’r afael â’r materion parhaus hyn.

Datblygodd Y Gweilch yn y Gymuned, ar y cyd â Heddlu De Cymru a Chymorth Ieuenctid Pen-y-bont ar Ogwr, brosiect arloesol newydd, ‘TACKLE After Dark’ – menter sy’n gwahodd pobl ifanc i chwarae rygbi cyffwrdd mewn ardaloedd trefol fel meysydd parcio.

Ers i’r Rhingyll Dan Parry gyflwyno’r fenter, mae adroddiadau o ymddygiad gwrthgymdeithasol yn yr ardal wedi gostwng o 66% – ac wedi dangos pwysigrwydd riportio ymddygiad gwrthgymdeithasol i’r heddlu.

O fewn pum wythnos gyntaf y prosiect gyda TACKLE after Dark, dyma nhw’n ymgysylltu â 107 o unigolion. O fewn chwe mis, gostyngodd adroddiadau o ymddygiad gwrthgymdeithasol o 172 o alwadau a adroddwyd i 57 o alwadau a adroddwyd.

Dyma'r peilot ar gyfer Adrodd i Adfer a fydd yn gweld mentrau cymunedol eraill yn cael eu cyflwyno ledled De Cymru er mwyn mynd i'r afael ag ymddygiad gwrthgymdeithasol.