Project Pinpoint #3

Sandfields, Port Talbot

Peidiwch ag ofni Nosweithiau Calan Gaeaf a Tân Gwyllt

Rydym wedi ymrwymo i sicrhau bod ein cymunedau’n teimlo’n ddiogel. Dyna pam fod gennym bresenoldeb cynyddol yn eich ardal a thîm ymroddedig i ymateb i'ch galwadau ar Nosweithiau Calan Gaeaf a Tân Gwyllt.

Ry’n ni’n barod

Eleni bydd ein Timau Plismona yn y Gymdogaeth, ynghyd â swyddogion o Diogelwch Cymunedol, yn ymuno â Thîm Atal Tanau Bwriadol Canolbarth a Gorllewin Cymru ledled Abertawe, Castell-nedd a Phort Talbot – yn barod i ymateb.

Ond nid dyna'r cyfan rydyn ni’n gwneud. Bob blwyddyn, mae timau ar draws de Cymru yn paratoi i sicrhau y gall cymunedau fwynhau’r dathliadau yn ddiogel:

Mae hyn yn cynnwys:

• Hyrwyddo gweithgareddau diogel a pharchus mewn cymunedau ac mewn digwyddiadau allweddol.
• Ymgysylltu â thrigolion, siarad â nhw am beryglon cael eu coelcerth eu hunain.
• Gweithio gyda phartneriaid tân ac awdurdodau lleol i gael gwared ar eitemau llosgadwy yr adroddwyd amdanynt.
• Ymweld â siopau tân gwyllt dros dro. *

*Wedi'i neilltuo i Dimau Plismona yn y Gymdogaeth

Adrodd am ymddygiad gwrthgymdeithasol

Noson Tân Gwyllt diwethaf, fe wnaeth eich adroddiadau ein helpu i adnabod man problemus o ran ymddygiad gwrthgymdeithasol ym Mhort Talbot. Fe wnaethon ni ymateb i goelcerth di-drwydded cyn i unrhyw un gael eu hanafu.

Dyna pam mae pob adroddiad o bwys.