Blacmel rhywiol: riportio i gwmnïau cyfryngau cymdeithasol os digwyddodd y peth ar-lein
Yn yr adran hon:
| 1. Beth yw blacmel rhywiol |
| 2. Beth gallwch chi ei wneud: riportio'r peth i ni |
| 3. Riportio i gwmnïau cyfryngau cymdeithasol os digwyddodd y peth ar-lein |
| 4. Help a chymorth |
Os yw'r person sy'n cyflawni'r blacmel rhywiol wedi rhannu'r lluniau neu'r fideos rhywiol ohonoch ar y cyfryngau cymdeithasol, fe ddylech chi allu cael gwared ar y cynnwys. Mae gan y mwyafrif o wefannau’r cyfryngau cymdeithasol reolau yn erbyn rhannu cynnwys personol heb ganiatâd. Mae yna sefydliadau hefyd a all eich helpu i drefnu bod lluniau a fideos rhywiol ohonoch yn cael eu tynnu oddi ar y cyfryngau cymdeithasol a lleoliadau ar-lein eraill.
Rhagor o wybodaeth am sut i riportio i'r cwmnïau cyfryngau cymdeithasol mwyaf poblogaidd a beth fydd yn digwydd nesaf.
Mae yna sefydliadau hefyd a all eich helpu i gael gwared ar ddeunyddiau camdriniaeth drwy ddelweddau personol o'r cyfryngau cymdeithasol a mannau eraill ar-lein.
Oedolion 18 oed a throsodd
Gall y wefan Riportio Cynnwys Niweidiol eich helpu i gael gwared ar gynnwys hefyd.
Mae StopNCII.org yn helpu oedolion i gael gwared ar ddelweddau personol sydd wedi’u rhannu heb eu caniatâd ar-lein.
Llinell Gymorth Pornograffi Dial
Cyngor a gwybodaeth os byddwch chi'n profi camdriniaeth drwy ddelweddau personol neu ‘pornograffi dial' a help i dynnu delweddau.
0345 6000 459
Yn agored rhwng 10am a 4pm, o ddydd Llun i ddydd Gwener.
Gallwch gysylltu â nhw yn ddienw hefyd i ddechrau drwy ddefnyddio’u Hadroddiad Sibrwd.
Mae gwasanaeth Llinell Gymorth Pornograffi Dial ar gyfer oedolion (18 oed neu drosodd) yn unig.
Plant a phobl ifanc dan 18 oed
Cymorth a chyngor i bobl ifanc dan 18 oed. Gall Childline eich helpu i drefnu tynnu delweddau sydd wedi’u rhannu oddi ar y rhyngrwyd.