Blacmel rhywiol: ei riportio i ni
A yw'n argyfwng?
Ffoniwch 999 nawr mewn sefyllfaoedd brys fel y rhain:
- mae yna berygl i fywyd ar hyn o bryd
- mae rhywun yn defnyddio trais neu'n bygwth bod yn dreisgar
Amhariad ar y clyw neu’r lleferydd
- Os ydych chi wedi cofrestru ymlaen llaw gyda’r gwasanaeth SMSbrys, defnyddiwch ein gwasanaeth ffôn testun 18000 neu anfonwch neges destun aton ni ar 999.
- Ffoniwch 999 BSL er mwyn defnyddio cyfieithydd Iaith Arwyddion Prydain.
Yn yr adran hon:
| 1. Beth yw blacmel rhywiol |
| 2. Beth gallwch chi ei wneud: riportio'r peth i ni |
| 3. Riportio i gwmnïau cyfryngau cymdeithasol os digwyddodd y peth ar-lein |
| 4. Help a chymorth |
Cyn ichi riportio
Stopiwch bob cyfathrebu â'r troseddwr ar unwaith. Hefyd, ddylech chi ddim talu byth, gan nad oes sicrwydd y bydd hyn yn atal y bygythiadau.
Os hoffech chi gael gwared ar eich cyfrif, ewch ati i’w ddadactifadu yn hytrach na'i ddileu. Bydd hyn yn ei gwneud yn haws i ninnau ddod o hyd i dystiolaeth.
Does dim angen ichi gasglu 'tystiolaeth' fel sgrinluniau, negeseuon testun, fideos neu luniau cyn ichi riportio i ni. Y cyfan sydd angen ichi ei wneud wrth riportio yw dweud wrthon ni beth ddigwyddodd.
Os oes gennych unrhyw sgrinluniau, negeseuon testun, fideos neu luniau, gall manylion fel y rhain fod yn ddefnyddiol inni
Hyd yn oed os nad yw'r llun neu'r fideo ar gael mwyach, dylech riportio’r peth i ni o hyd. Efallai y byddwn ni’n gallu adfer y ddelwedd.
Gwybodaeth ddefnyddiol os yw hi gennych chi:
- enw'r anfonwr
- manylion cyswllt, gan gynnwys cyfeiriadau ebost a rhifau ffôn
- enw defnyddiwr
- manylion cyfrif banc
- ID defnyddiwr
- pa lwyfan, ap, gwefan cyfryngau cymdeithasol, neu le ar-lein roeddech chi’n ei ddefnyddio
- pryd digwyddodd hyn
- manylion yr hyn gafodd ei anfon, ei ysgrifennu neu ei lefaru mewn nodyn llais neu fideo
Dim ond os ydych chi'n siŵr bod y person dros 18 oed y dylech chi dynnu sgrinlun o ddelwedd bersonol. Os nad ydych chi’n siŵr, peidiwch â thynnu sgrinlun, ei recordio na’i rhannu gyda neb, hyd yn oed yr heddlu. Gallai hynny fod yn drosedd.
Ffyrdd i riportio
Gallwch riportio'r troseddau hyn ar-lein.
Os ydych o dan 18 oed, gallwch riportio blacmel rhywiol, neu unrhyw fath arall o gam-drin plant yn rhywiol ar-lein, i Ganolfan Diogelwch Camfanteisio ar Blant a’u Hamddiffyn Ar-lein (CEOP) yr Asiantaeth Troseddu Cenedlaethol.
Ymweld â gorsaf heddlu
Os hoffech chi siarad â swyddog yn bersonol, gallwn ddarparu amgylchedd diogel a chyffyrddus yn unrhyw un o'n gorsafoedd heddlu.
Os oes arnoch chi angen cyfieithydd, gallwn ddarparu rhywun dros y ffôn i ddechrau ac yn bersonol yn nes ymlaen.
Ar ôl ichi riportio
Ar ôl inni gael eich adroddiad byddwn ni’n cadw mewn cysylltiad â chi ac yn rhoi gwybod ichi beth fydd yn digwydd nesaf.
- Rhagor o wybodaeth am yr hyn sy'n digwydd ar ôl ichi riportio trosedd.
Riportio'n ddienw
Gallwch chi riportio'n ddienw drwy wefan Crimestoppers neu drwy eu ffonio nhw ar 0800 555 111.
Mae unrhyw fanylion y gallwch eu rhoi i Crimestoppers yn hynod werthfawr i'n helpu i ddarganfod mwy am bwy sy'n cyflawni camdriniaeth drwy ddelweddau personol, neu flacmel rhywiol.