Rhoi gwybod am droseddau rhywiol: Gwybodaeth a chanllaw ategol

Diben y llyfryn hwn yw rhoi gwybodaeth i unrhyw un sy'n ystyried rhoi gwybod am drais neu drosedd rywiol, yn ogystal â'r rheini sydd eisoes wedi dechrau eu taith ar ôl rhoi gwybod am drosedd o'r fath.

Mae'r daith wedi'i rhannu'n gamau o'r penderfyniad cychwynnol i roi gwybod am drosedd hyd at weithdrefnau'r llys. Ceir gwybodaeth am beth i'w ddisgwyl yn ystod pob cam o'r broses, ynghyd â chyngor ar y cymorth sydd ar gael ar hyd y ffordd.

Mae'r penderfyniad i roi gwybod am fater mor bersonol sy'n peri cymaint o ofid yn un anodd, a gall fod llawer o rwystrau i'w goresgyn. Mae'r llyfryn hwn yn esbonio'r camau gwahanol mewn ffordd syml er mwyn eich grymuso i wneud penderfyniadau gwybodus o ran sut yr hoffech fwrw ati. Mae hefyd yn nodi'r cymorth a'r sicrwydd y mae gennych yr hawl i'w cael ar hyd y ffordd.

Rydym yn gobeithio y bydd hyn yn lleihau rhai o'r rhwystrau ac yn rhoi tawelwch meddwl i chi yn ystod y cyfnod anodd iawn hwn.