Sut i riportio camdriniaeth ar sail anrhydedd
Yn yr adran hon:
| 1. Beth yw camdriniaeth ar sail anrhydedd? |
| 2. Sut i riportio camdriniaeth ar sail anrhydedd |
| 3. Sefydliadau cymorth camdriniaeth ar sail anrhydedd |
Riportiwch y peth
rhybudd 999
A oes rhywun mewn perygl ar hyn o bryd? A oes trosedd yn cael ei chyflawni neu a oes un newydd ddigwydd? Os felly, ffoniwch 999 nawr a gofynnwch am yr heddlu. Os oes gennych nam ar eich clyw neu’ch lleferydd, defnyddiwch ein gwasanaeth ffôn testun 18000 neu tecstiwch ni ar 999 os ydych wedi cofrestru ymlaen llaw gyda’r gwasanaeth SMS brys.
Rydyn ni’n deall y gallech fod yn ofnus neu'n teimlo'n annheyrngar, ond rydyn ni yma i wrando a'ch cefnogi mewn unrhyw ffordd y gallwn.
Os ydych chi'n poeni am rywun arall ac yn meddwl y gallen nhw fod yn cael eu cam-drin, rydyn ni eisiau clywed gennych chi.
Ar-lein
Os hoffech chi riportio ar-lein, gallwch ddefnyddio’n gwasanaeth riportio troseddau ar-lein sy’n ddiogel ac yn gyfrinachol.
Ffoniwch 101
Os hoffech chi siarad â rhywun, mae’n rhif ffôn cenedlaethol pan nad oes argyfwng yn cael ei staffio 24/7. Ffoniwch ni ar 101 a riportiwch yr hyn a ddigwyddodd neu gofynnwch am gyngor.
Ewch i orsaf heddlu
Os hoffech chi siarad â rhywun yn bersonol, gallwn ddarparu amgylchedd diogel a chyffyrddus yn unrhyw un o'n gorsafoedd heddlu.
Os nad ydych chi eisiau riportio’r peth i’r heddlu
Gallwch riportio gwybodaeth yn ddienw drwy gysylltu â Crimestoppers naill ai drwy eu gwefan neu drwy ffonio 0800 555 111.
Os oes arnoch chi angen help neu os ydych yn credu y gallai fod angen help ar rywun rydych chi'n eu hadnabod, gallwch gysylltu â'r elusen genedlaethol Karma Nirvana i gael cyngor a chymorth cyfrinachol. Mae ganddyn nhw linell gymorth hefyd, o ddydd Llun i ddydd Gwener, 9am i 5pm: 0800 5999 247.