Cyflwyno hysbysiad Adran 60, Gabalfa, Caerdydd

Rydym wedi cyflwyno Hysbysiad Adran 60 sy'n rhoi'r awdurdod i swyddogion stopio a chwilio unrhyw un yn ardal Gabalfa, Caerdydd.

Mae'r Hysbysiad Adran 60 yn dod i rym am 2pm heddiw (dydd Gwener, 12 Gorffennaf) a bydd yn parhau tan 7am yfory (dydd Sadwrn, 13 Gorffennaf).

Mae'r Hysbysiad yn rhoi awdurdod i unrhyw Gwnstabl mewn lifrai, yn yr ardal a nodir ar y map, arfer y pwerau dan Adran 60 o Ddeddf Cyfiawnder Troseddol a Threfn Gyhoeddus 1994:

• i stopio a chwilio unrhyw gerddwr, neu unrhyw beth y mae’n ei gario, er mwyn chwilio am arfau ymosodol neu offer peryglus heb reswm da, neu
• i stopio a chwilio unrhyw gerbyd, ei yrrwr ac unrhyw deithiwr, er mwyn chwilio am arfau ymosodol neu offer peryglus.

Gwnaed y penderfyniad hwn yn dilyn achosion diweddar o anrhefn a thrais difrifol sydd wedi cynnwys eitemau megis cerrig yn cael eu taflu at gerbydau'r heddlu.

Nod Adran 60 yw atal trais difrifol, canfod offer peryglus neu ddal unigolion sy’n cario arfau. 

Gofynnir i unrhyw un sydd â gwybodaeth neu bryderon gysylltu â Heddlu De Cymru gan ddyfynnu'r rhif cyfeirnod 2400229704.

• Sgwrs Fyw https://www.south-wales.police.uk/cy-GB/
• Rhowch wybod ar-lein https://www.south-wales.police.uk/cy-GB/riportio/riportio
• E-bost [email protected]
• 101

Ffoniwch 999 bob amser mewn argyfwng.