Rôl yr Ymchwilydd Lleoliadau Troseddau
Ydych chi'n chwilio am yrfa lle byddwch yn gweithio ochr yn ochr â thechnoleg sy'n datblygu i warchod, nodi ac asesu tystiolaeth? Beth am ymuno â Heddlu De Cymru fel Ymchwilydd Lleoliadau Troseddau?
Eich rôl chi fel Ymchwilydd Lleoliadau Troseddau (CSI) fydd casglu tystiolaeth fforensig o leoliadau troseddau a fydd, yn y pen draw, yn arwain at ganfod ac erlyn troseddwyr. Byddwch yn prosesu lleoliadau troseddau gan ddefnyddio technegau arbenigol i edrych ar dystiolaeth, ei nodi a'i hadfer. Bydd CSI yn mynd at amrywiaeth o leoliadau troseddau megis bwrgleriaethau a throseddau'n ymwneud â cherbydau, i ddigwyddiadau mawrion fel llofruddiaeth a throseddau rhywiol.
Y person
Mae'r rôl hon yn rhan hanfodol o'n gwaith ymchwiliadau. Bydd angen i'r ymgeisydd delfrydol allu dangos y canlynol:
- Sgiliau arsylwi a datrys problemau brwdfrydig Bydd angen i chi allu crynhoi problemau syml i bob golwg i'w cydrannau a phenderfynu ar y cam gweithredu priodol.
- Sgiliau trefnu Bydd angen i chi brosesu a chategoreiddio symiau mawr o dystiolaeth wrth reoli nifer mawr o ymchwiliadau, yn effeithlon ac yn effeithiol.
- Hyder wrth siarad â'r cyhoedd Tystiolaeth y bydd yr hyn a goladwch yn cael ei ddefnyddio'n aml mewn gweithrediadau troseddol, felly rhaid meddu ar y gallu i gyflwyno tystiolaeth yn y llys ac mewn gwrandawiadau eraill.
Y rôl
Rôl CSI yw mynd i leoliadau troseddau pan ofynnir iddynt wneud. Byddwch yn dogfennu ac yn cofnodi lleoliad y drosedd yn ystod yr archwiliad i ddod o hyd i dystiolaeth, ei gwarchod a'i hadfer. Mae cyfrifoldebau nodweddiadol y swydd yn cynnwys:
- Ymateb i dasgau swyddogion a'u blaenoriaethu
- Trafod tystiolaeth o ymchwiliadau yn unol â phrotocolau y cytunwyd arnynt er mwyn cynnal uniondeb, parhad a diogelwch y dystiolaeth ar gyfer prosesau ymchwiliol ac achosion llys
- Cadarnhau pa dystiolaeth sy'n ofynnol o leoliadau digwyddiadau a datblygu strategaeth o ran sut orau i'w chaffael, gan sicrhau bod pob canfyddiad ar gael ar gyfer yr ymchwiliad ehangach
- Casglu tystiolaeth fforensig fel samplau o waed, gwallt, argraffiadau o esgidiau ac ati, gan ddefnyddio technegau gwyddonol
- Gwarchod tystiolaeth mewn pecyn gwarchodol a'i hanfon i ffwrdd am ddadansoddiad fforensig
- Tynnu ffotograffau a fideo o'r olygfa
- Cefnogi cymorth y broses Cyfiawnder Troseddol drwy ddarparu Adroddiadau Fforensig Syml cywir ac amserol, datganiadau a dogfennaeth arall
- Rhoi tystiolaeth yn y llys
- Byddwch yn datblygu cynlluniau byrdymor ac yn eu rhoi ar waith ym mhob ymchwiliad i helpu'r amcanion ymchwiliol ehangach
Beth yw'r llwybr mynediad ar gyfer CSI?
Y llwybr mynediad ar gyfer Ymchwilydd Lleoliadau Troseddau yw trwy rôl yr Ymchwilydd Lleoliadau Troseddau Cyffredin (VCSI). Gall VCSIs archwilio troseddau cyffredin yn unig (bwrgleriaethau a throseddau cerbydau). Mae VCSIs yn mynychu cwrs hyfforddi 5 wythnos, ar ôl pasio'r cyfnodau prawf a mentora. Mae VCSIs yn archwilio lleoliadau troseddau ac yn adfer tystiolaeth gan weithio ar batrwm shifftiau gyda chydweithwyr CSI.
Beth yw hyd y broses recriwtio?
Bydd y cyfnod recriwtio ar gyfer y rôl hon yn dibynnu ar gapasiti gweithredol. Byddem yn disgwyl i'r broses gymryd rhwng 1 a 3 mis.
Oes isafswm neu uchafswm oedran ar gyfer gwneud cais?
Rhaid i chi fod yn 18 oed o leiaf i ddod yn Ymchwilydd Lleoliadau Troseddau. Nid oes terfyn oedran uchaf.
Pa gymwysterau fydd eu hangen arnaf?
Mae'n ofynnol i ymgeiswyr fod wedi cyflawni gradd A – C o leiaf mewn TGAU mewn Mathemateg a Saesneg a bod yn barod i fynychu'r cyrsiau hyfforddiant Ymchwilio Lleoliadau Troseddau Cyffredin a drefnir gan yr heddlu a'u cwblhau'n llwyddiannus.
Beth yw'r oriau gwaith?
Mae CSIs ar ddyletswydd o 08:00 i 22:00 bob dydd, gan gynnwys yn ystod penwythnosau a gwyliau banc. Mae CSIs ar alw rhwng 22:00 ac 08:00. Bydd gwaith shifftiau a goramser achlysurol yn ofynnol yn y rôl hon.
Ble y byddaf yn cael fy lleoli?
Caiff ymgeiswyr llwyddiannus eu lleoli yn un o dair o swyddfeydd CSI, gan ddibynnu ar leoliad swyddi gwag ar hyn o bryd. Mae'r Adran CSI Rhanbarthol yn cyflenwi Heddlu De Cymru a Gwent. Mae'r swyddfeydd CSI wedi'u lleoli yn; Ystrad Mynach, Caerdydd (Y Tyllgoed) a Chastell-nedd.
Anfonwch unrhyw ymholiadau pellach drwy e-bost i: [email protected]
Os oes gennych ddiddordeb mewn cyfleoedd a fydd ar gael gyda Heddlu De Cymru yn y dyfodol, rhowch eich manylion ar ein banc talent a byddwn yn rhoi gwybod i chi pan fydd gennym swyddi gwag sy'n gweddu eich sgiliau a'ch dewisiadau. COFRESTRWCH EICH DIDDORDEB