Sicrhau cofnod o gael fy stopio a chwilio

Adeg y stopio a chwilio

Dylid cynnig un o’r canlynol i chi:

• cofnod ysgrifenedig o’r digwyddiad stopio a chwilio
• derbynneb ar adeg y digwyddiad
• copi o’r cofnod wedi’i ebostio i chi
• efallai y dywedir o le y gallwch gasglu’r cofnod yn ddiweddarach

Os ydych yn dymuno cwyno, neu ddweud wrthon ni am eich profiad, bydd y cofnod/derbynneb yn helpu i nodi’r amgylchiadau.

Beth fydd ar y cofnod?

Rhaid i gofnod y chwilio gynnwys y wybodaeth ganlynol:

• manylion y swyddog
• dyddiad, amser a lleoliad y stopio a chwilio
• rheswm dros y stopio a chwilio
• canlyniad y stopio a chwilio
• eich ethnigrwydd hunan-ddiffiniedig
• rhif cofrestru’r cerbyd (os yn berthnasol)
• am beth oedd y swyddog yn chwilio ac unrhyw beth y daethpwyd o hyd iddo
• eich enw neu ddisgrifiad ohonoch os ydych yn gwrthod rhoi eich enw

Sut i gael y cofnod

Os na chawsoch chi dderbynneb adeg y chwiliad, gallwch fynd i orsaf heddlu o fewn 14 diwrnod ar ôl y chwiliad a bydd derbynneb yn cael ei rhoi ichi.

Os ydych chi wedi cael eich stopio a'ch chwilio a'ch bod chi wedi rhoi’ch cyfeiriad ebost neu’ch rhif ffôn symudol i'r swyddog, fe ddylech fod wedi cael derbynneb. Gall honno gynnwys gwybodaeth am sut i gael eich cofnod.

Os cawsoch chi dderbynneb, gallwch fynd â hi i'ch gorsaf heddlu leol a gofyn am gofnod o'r chwiliad.

Efallai y bydd yna derfyn amser, i gasglu'r cofnod, o hyd at dri mis ar ôl ichi gael eich stopio neu 12 mis os cawsoch eich arestio a'ch cymryd i'r ddalfa.

Rhaid ichi fynd â dull adnabod gyda chi, er enghraifft:

• trwydded yrru
• pasbort
• cerdyn ID myfyriwr

Sylwch: Efallai na chewch chi dderbynneb, ac efallai na fydd cofnod wedi'i wneud o broses stopio a rhoi cyfrif, neu stopio cerbyd. Rhagor o wybodaeth am y gwahanol fathau o stopio y gall yr heddlu eu defnyddio.