Dwedwch wrthon ni am eich profiad chi o stopio a chwilio
Gall ein tudalen deall sut dylai stopio a chwilio ddigwydd eich helpu i ddeall a gafodd y broses ei chyflawni’n gywir ac yn barchus.
Gallwch ddweud wrthon ni os ydych chi’n credu bod swyddog heddlu wedi ymddwyn yn anghywir. Er enghraifft, os ydych chi'n credu bod swyddog:
- wedi cam-drin eich hawliau
- wedi’ch arestio’n anghyfreithlon
Neu i sôn am sut gwnaeth y profiad ichi deimlo. Er enghraifft, os ydych chi'n credu bod swyddog:
- wedi bod yn anghwrtais i chi
- heb ymddwyn yn barchus neu'n broffesiynol
- wedi’ch stopio neu wedi’ch cam-drin dim ond oherwydd pwy ydych chi, ee eich oedran, eich hil, eich rhyw neu’ch cyfeiriadedd rhywiol
Gwneud cwyn
Mae cwynion yn ffordd bwysig inni ddysgu ble rydyn ni’n syrthio’n brin fel gwasanaeth a chywiro pethau cyn gynted â phosibl. Mae pob cwyn yn wahanol, ond byddwn ni’n dilyn y ddeddfwriaeth a chanllawiau Swyddfa Annibynnol Ymddygiad yr Heddlu (IOPC) i geisio sicrhau ateb boddhaol.
I wneud cwyn ffurfiol a chael rhagor o wybodaeth am sut mae cwynion yn cael eu hymchwilio, darllenwch ein tudalennau cwynion.
Gallwch gael cyngor gan y canlynol:
- Cyngor ar Bopeth
- Swyddfa Annibynnol Ymddygiad yr Heddlu
- eich Comisiynydd Heddlu a Throseddu etholedig sy'n goruchwylio'r heddlu yn eich ardal leol chi
- eich AS
- cyfreithiwr
Dewisiadau eraill yn lle cwyn ffurfiol
Efallai eich bod yn teimlo'n anfodlon gwneud cwyn ffurfiol, ond y byddech chi’n dal yn dymuno rhannu’ch syniadau. I godi mater am rywbeth sydd wedi peri pryder ichi, neu i sôn am eich profiad, mae amryw o ffyrdd y gallwch chi gysylltu.
Mae croeso i’ch adborth er mwyn inni wneud gwelliannau a monitro’n harferion.
Fel aelod o gymuned, os hoffech chi godi pryder am y ffordd rydyn ni'n defnyddio pwerau stopio a chwilio, gallwch gwblhau cais sbardun stopio a chwilio. Mae gennych chi hawl i gysylltu â ni, hyd yn oed os nad oedd y broses yn effeithio arnoch chi’n uniongyrchol.
Gallwch hefyd roi adborth yn bersonol mewn unrhyw orsaf heddlu.
Cysylltu â ni am unrhyw beth arall
Os ydych chi wedi cael profiad cadarnhaol, neu os hoffech roi adborth cyffredinol inni, gallwch ddefnyddio'r ffurflen gysylltu ar-lein yma.
Mae’ch adborth chi’n cyfrif
Hoffem glywed pob adborth, a all ategu'r broses adolygu. Gallwch weld ein data stopio a chwilio i weld sut mae'r pŵer i stopio a chwilio yn cael ei ddefnyddio.
- mae gwybodaeth am stopio a chwilio yn cael ei hadolygu'n fewnol. Mae hyn yn aml yn cael ei ategu gan grwpiau a phaneli cymunedol
- gall sefydliadau annibynnol hefyd adolygu pob math o adborth fel rhan o'u prosesau. Gallai'r sefydliadau hyn gynnwys Arolygiaeth Cwnstabliaeth a Gwasanaethau Tân ac Achub Ei Fawrhydi (HMICFRS), a Swyddfa Annibynnol Ymddygiad yr Heddlu (IOPC)
- byddwn yn ceisio adnabod themâu a chyflwyno mentrau ar gyfer newidiadau a gofynion hyfforddiant. Mae'r Coleg Plismona yn ein cefnogi yn hyn o beth
- rydym yn cyhoeddi data am stopio a chwilio
Rhagor o wybodaeth am sut i gymryd rhan i fonitro sut mae’r broses stopio a chwilio yn cael ei defnyddio yn y gymuned. Gallwch hefyd ymuno â swyddogion ar eu shifft a phrofi sut mae'n cael ei defnyddio.