Cymerwch ran mewn gwella stopio a chwilio

Dydyn ni ddim yn bychanu effaith stopio a chwilio ar gymunedau ac unigolion. Er mwyn cadw hyder y cyhoedd yn y defnydd o stopio a chwilio, rydyn ni’n gwybod bod rhaid defnyddio'r pŵer mewn modd cywir ac effeithiol.

Ymwneud â'r gymuned

Mae'n bwysig deall yr effaith mae stopio a chwilio yn ei chael ar gymunedau ac unigolion. Rydyn ni’n gwneud hyn drwy ymwneud â'r gymuned, gwaith craffu ac atebolrwydd cymunedol.

Mesur effaith stopio a chwilio

Rydyn ni’n cyhoeddi data stopio a chwilio yn gyson er mwyn bod yn dryloyw ynghylch sut mae stopio a chwilio’n cael ei ddefnyddio, beth sy'n cael ei fonitro a beth sy’n cael ei gofnodi. Edrychwch ar ein data stopio a chwilio.

Sut i gymryd rhan

Cynllun Cysgodi

Mae cynllun Cysgodi Heddlu De Cymru yn rhoi’r cyfle i aelodau’r cyhoedd fynd gyda’n swyddogion ar batrôl a gweld drostynt eu hunain sut y gellir defnyddio stopio a chwilio.

Mae’r cynllun yn galluogi dysgu dwyffordd ac yn helpu i greu gwell dealltwriaeth ac agosrwydd rhwng yr heddlu a’r cyhoedd.

Ewch i wefan Comisiynydd Heddlu a Throseddu Heddlu De Cymru i ganfod mwy am sut i wneud cais.