Gofal Cywir, Person Cywir

Yng Nghymru a Lloegr, mae’r dull Gofal Cywir, Person Cywir yn asesu ai’r heddlu yw’r gwasanaeth mwyaf priodol i ymateb.

Gall fod angen yr heddlu mewn rhai digwyddiadau sy'n gysylltiedig ag iechyd meddwl, ond fe allai gwasanaethau eraill fod yn fwy priodol. Mae gan staff iechyd a gofal cymdeithasol y profiad a'r hyfforddiant i roi’r cymorth perthnasol ynglŷn ag iechyd corfforol a meddyliol.

Nod y dull yma yw:

• sicrhau bod y person neu'r bobl dan sylw yn cael y cymorth cywir cyn gynted â phosibl
• atal gofid pellach i'r person
• caniatáu i'r heddlu ganolbwyntio adnoddau ar atal troseddau, diogelu bywyd ac eiddo a chadw trefn gyhoeddus

Mae heddluoedd sy'n defnyddio'r dull hwn eisoes wedi elwa drwy lwyddo i ddarparu ymatebion mwy priodol.

Yn Lloegr, mae’r heddlu ac asiantaethau partner wedi llofnodi Cytundeb Partneriaeth Cenedlaethol. Byddan nhw’n cydweithio i sicrhau bod pobl yn cael y gefnogaeth gywir. Mae eu cyfarfodydd rheolaidd yn caniatáu i wybodaeth gael ei rhannu a gwell gwasanaethau. 

Mae'r cytundeb hwn wedi’i wneud rhwng y canlynol:

• Yr Adran Iechyd a Gofal Cymdeithasol (DHSC)
• Y Swyddfa Gartref
• GIG Lloegr
• Cyngor Cenedlaethol Prif Swyddogion yr Heddlu (NPCC)
• Cymdeithas Comisiynwyr yr Heddlu a Throseddu (APCC)
• Y Coleg Plismona

Yng Nghymru, rhwng yr heddlu ac asiantaethau partner y mae’r cytundeb. Maent wedi ffurfio Grŵp Partneriaeth Genedlaethol.

Mae hyn yn cynnwys:

• y GIG
• cynghorau lleol
• mudiadau gwirfoddol

Byddant yn gweithio gyda’i gilydd i helpu i sicrhau bod pobl yn cael y cymorth cywir.

Pryd gall yr heddlu helpu

Os mai ni yw'r gwasanaeth mwyaf priodol, byddwn ni'n ymateb pan mae:

• perygl uniongyrchol i fywyd person
• perygl uniongyrchol o niwed difrifol i berson

Byddwn ni’n dal i ymateb i adroddiadau am drosedd yn y ffordd arferol.

Byddwn ni bob amser yn dod atoch chi os mai ni yw’r gwasanaeth cywir i ymateb. Rydyn ni’n asesu pob cais yn erbyn pethau fel bygythiad, niwed, risg a bregusrwydd. Mae'r dull Gofal Cywir, Person Cywir yn dod yn rhan o'r broses hon.

Rhagor o wybodaeth

Darllenwch y papur Polisi: Cytundeb Partneriaeth Cenedlaethol: Gofal Cywir, Person Cywir (RCRP)

Gweler Pecyn cymorth Gofal Cywir, Person Cywir y Coleg Plismona

Helpu’r heddlu gyda gwybodaeth hanfodol

Pan fydd yn briodol ymateb, mae yna offer i helpu'r heddlu i ddod o hyd i'r wybodaeth gywir yn gynt.

Pobl sy’n agored i niwed ac sydd mewn perygl o fynd ar goll..