Pobl agored i niwed sydd mewn perygl o fynd ar goll
Mae rhai pobl yn wynebu mwy o risg o fynd ar goll nag eraill. Gall hyn fod oherwydd eu sefyllfa, er enghraifft:
- plant neu bobl ifanc mewn gofal
- rhywun â dementia
- rhywun sy'n dioddef problemau iechyd meddwl
- aelodau o'r lluoedd arfog
Rydyn ni bob amser yn argymell cynllunio ymlaen llaw rhag ofn y bydd y person hwnnw'n mynd ar goll. Os byddwch chi'n casglu gwybodaeth amdanyn nhw nawr, gallwch chi roi’r wybodaeth i ni yn gyflym os byddan nhw'n mynd ar goll.
Dementia
Os ydych chi’n gofalu am rywun â dementia, boed hynny mewn cartref gofal neu yn eu cartref eu hunain, gallwch lenwi ffurflen Protocol Herbert. Bydd y ffurflen yn gofyn ichi roi manylion yr unigolyn, fel eu gorffennol, eu harferion a’r mannau maen nhw'n mynd. Yna os byddan nhw'n mynd ar goll gallwch chi roi’r wybodaeth i ni gan arbed amser cyn inni ddechrau chwilio.
Cyngor i ofalwyr pobl â dementia sy'n wynebu risg o fynd ar goll
Y Lluoedd Arfog
Os ydych chi'n nabod rhywun sy'n aelod o Luoedd Arfog Prydain, gallwch ychwanegu eu manylion at y ffurflen Protocol Forcer. Dim ond os bydd y person hwnnw'n mynd ar goll y byddwn ni’n defnyddio'r ffurflen a’r wybodaeth.
Rhagor o wybodaeth
Mae gan yr elusen Missing People gyngor a chefnogaeth ar gyfer adegau:
- pan fo rhywun yn wynebu risg o fynd ar goll
- pan allai rhywun a aeth ar goll o'r blaen fynd ar goll eto
Pan fydd person sydd ar goll yn dod yn ôl
Darllenwch wybodaeth ynghylch pryd mae person sydd ar goll yn dod yn ôl gan gynnwys:
- beth i'w wneud nesaf
- sut i'w cefnogi nhw
- gofalu amdanoch chi’ch hun