Fy arfau tanio i ar ôl imi farw

Yn eich ewyllys, gallwch ddewis rhywun i etifeddu’ch arfau tanio neu’ch drylliau trwyddedig ar ôl ichi farw.

Os nad ydych chi'n dewis rhywun, mae'r arfau tanio yn dod yn rhan o'ch ystâd (popeth sy’n perthyn ichi). Byddech wedi dewis ysgutorion i reoli’ch ystâd fel rhan o'ch ewyllys. Byddai unrhyw arfau tanio wedyn yn dod yn gyfrifoldeb iddyn nhw i’w rheoli mewn ffordd gyfreithlon.

Ystyriwch ei gwneud mor hawdd â phosibl i'r person fydd yn etifeddu’ch arfau tanio. Rhowch wybodaeth ddefnyddiol mewn amlen iddyn nhw ei hagor ar ôl eich marwolaeth.

Fe ddylech chi:

• rhestru’r arfau tanio a’r bwledi a’r cetris sy’n perthyn ichi
• esbonio ble rydych chi'n eu storio a sut i gael mynediad atynt
• cynnwys copïau o'ch tystysgrif(au)
• ysgrifennwch ble i ddod o hyd i'ch tystysgrif(au) gwreiddiol
• rhoi manylion am sut i gysylltu â'r adran arfau tanio

Gallai’r heddlu roi trwydded dros dro i'r person. Mae'n caniatáu i'r person hwnnw feddu ar eich arfau tanio (ond nid eu defnyddio). Fel arfer, mae trwydded yn para am hyd at dri mis. Gallan nhw ddefnyddio'r amser yma i benderfynu beth i'w wneud â nhw.

Os oes gan yr unigolyn ei dystysgrif arf tanio ei hun, fydd dim angen trwydded dros dro. Ond mae arnyn nhw angen digon o le ar eu tystysgrif i gymryd perchnogaeth o'ch arfau tanio chi. Er mwyn gwneud hynny, efallai y bydd angen iddyn nhw newid eu tystysgrif.