Rheoli arfau tanio ar ôl marwolaeth y perchennog

Ar ôl marwolaeth, efallai bod rhywun wedi gadael arfau tanio i chi i'w rheoli.

Fe allech chi fod:

• wedi’ch enwebu yn eu hewyllys
• yn ysgutor i’w hystâd

Mae gennych chi gyfrifoldeb cyfreithiol i reoli unrhyw arfau mewn ffordd ddiogel.

Yn gyntaf, rhaid ichi gysylltu â'r tîm trwyddedu arfau tanio a:

• rhoi gwybod bod y perchennog wedi marw
• rhestru’r gynnau rydych chi wedi'u hetifeddu

Bydd y tîm trwyddedu arfau tanio yn rhoi cyngor ac opsiynau ichi ar sail eich amgylchiadau.

Mewn rhai achosion, efallai y byddan nhw’n rhoi trwydded dros dro ichi. Mae hon yn rhoi hawl gyfreithiol ichi feddu ar y gynnau (nid eu defnyddio) am hyd at dri mis, fel arfer.

Cysylltwch â’r tîm trwyddedu arfau tanio.

Gwerthu neu waredu arfau tanio

Darllenwch am werthu neu waredu arfau tanio.

Cadw arfau tanio

Os oes gennych drwydded dros dro, gallwch feddu ar yr arfau tanio (nid eu defnyddio) am hyd at dri mis, fel arfer.

Er mwyn bod yn berchen ar gynnau a'u defnyddio, mae'n rhaid ichi wneud cais am dystysgrif arf tanio neu dystysgrif dryll.