Ychwanegu arf tanio newydd
Os oes gennych chi dystysgrif arfau tanio ond eich bod am brynu neu dderbyn arf tanio newydd, fe all fod angen ichi amrywio'ch tystysgrif.
Drylliau
Sylwch fod y rheolau hyn yn gymwys i arfau tanio yn unig, nid drylliau. Os ydych chi'n prynu neu'n derbyn gwn newydd, mae'n rhaid ichi ein hysbysu o fewn saith diwrnod. Gallwch wneud hyn ar-lein drwy ddefnyddio’n ffurflen trosglwyddo perchnogaeth.
Cyn ychwanegu arf tanio newydd
Cyn ychwanegu arf tanio, rhaid ichi sicrhau caniatâd i amrywio'ch tystysgrif.
Fel rhan o'ch cais, gallwch ychwanegu neu dynnu bwledi neu getris o'ch tystysgrif.
Os ydych chi am gael gwared ar arf tanio wrth ychwanegu un newydd, amrywiad 'un am un' yw hwn. Fel arall, dewiswch amrywiad rheolaidd.
Ar ôl ichi wneud cais
Unwaith y byddwn ni wedi rhoi awdurdod ichi, fe gewch chi gymryd perchnogaeth ar eich arf tanio newydd.
Bydd y sawl sy'n rhoi'r arf tanio yn gwirio'r awdurdod ar eich tystysgrif. Byddan nhw’n rhoi manylion yr arf tanio yn Nhabl 1 ar gefn y dystysgrif.
Wedyn byddan nhw’n hysbysu'r heddlu a roddodd eu tystysgrif nhw.
Rhaid ichi ein hysbysu ni o fewn saith diwrnod ar ôl cael eich arf tanio newydd. Gallwch wneud hyn ar-lein drwy ddefnyddio’n ffurflen trosglwyddo perchnogaeth.