Ffugiadau dwfn: ei riportio i ni
A yw'n argyfwng?
Ffoniwch 999 nawr mewn sefyllfaoedd brys fel y rhain:
- mae yna berygl i fywyd ar hyn o bryd
- mae rhywun yn defnyddio trais neu'n bygwth bod yn dreisgar
Amhariad ar y clyw neu’r lleferydd
- Os ydych chi wedi cofrestru ymlaen llaw gyda’r gwasanaeth SMSbrys, defnyddiwch ein gwasanaeth ffôn testun 18000 neu anfonwch neges destun aton ni ar 999.
- Ffoniwch 999 BSL er mwyn defnyddio cyfieithydd Iaith Arwyddion Prydain.
Yn yr adran hon:
| 1. Beth yw ffugiad dwfn |
| 2. Beth gallwch chi ei wneud: riportio'r peth i ni |
| 3. Riportio i gwmnïau cyfryngau cymdeithasol os digwyddodd y peth ar-lein |
| 4. Help a chymorth |
Gallwch riportio i ni yn gyntaf, ac os digwyddodd y peth ar-lein gallwch hefyd riportio i'r cwmni cyfryngau cymdeithasol ar ôl hynny. Yn gyntaf, byddwn ni’n dweud wrthoch chi sut y gallwch chi riportio’r peth i ni.
Cyn ichi riportio
Os oes gennych unrhyw wybodaeth am yr unigolyn ag anfonodd y ffugiad dwfn ichi neu ble welsoch chi'r ffugiad dwfn, gall gwybodaeth fel hyn fod yn ddefnyddiol i ni:
- dolenni URL
- enw defnyddiwr
- ID defnyddiwr
- pa lwyfan, ap, gwefan cyfryngau cymdeithasol, neu le ar-lein roeddech chi’n ei ddefnyddio
- pryd digwyddodd hyn
- manylion yr hyn gafodd ei anfon, ei ysgrifennu neu ei lefaru mewn nodyn llais neu fideo
Os oeddech chi all-lein:
- beth gafodd ei ddweud wrthoch chi
- unrhyw dystiolaeth gorfforol, fel llythyr, nodyn ysgrifenedig neu ddelwedd brintiedig
- ble digwyddodd hyn
- pryd digwyddodd hyn
Ffyrdd i riportio
Gallwch riportio ffugiadau dwfn anghyfreithlon ar-lein.
Bydd eich adroddiad yn cael ei anfon yn uniongyrchol i'n hystafell reoli lle bydd yn cael ei adolygu gan yr un tîm ag sy'n ateb ein galwadau.
- Riportio Twyll
Gallwch riportio twyll i Action Fraud, canolfan genedlaethol y Deyrnas Unedig ar gyfer riportio twyll a seiberdroseddu.
- Riportio gweithgarwch terfysgol
Os dewch chi ar draws cynnwys rydych chi'n credu ei fod yn derfysgol ei natur, riportiwch hyn yn ddienw yn www.gov.uk/report-terrorism neu drwy lawrlwytho'r ap iREPORTit ar siop apiau Apple neu Android.
Ymweld â gorsaf heddlu
Os hoffech chi siarad â swyddog yn bersonol, gallwn ddarparu amgylchedd diogel a chyffyrddus yn unrhyw un o'n gorsafoedd heddlu.
Os oes arnoch chi angen cyfieithydd, gallwn ddarparu rhywun dros y ffôn i ddechrau ac yn bersonol yn nes ymlaen.
Ar ôl ichi riportio
Ar ôl inni gael eich adroddiad byddwn ni’n cadw mewn cysylltiad â chi ac yn rhoi gwybod ichi beth fydd yn digwydd nesaf.
- Rhagor o wybodaeth am yr hyn sy'n digwydd ar ôl ichi riportio trosedd.
Riportio'n ddienw
Gallwch chi riportio'n ddienw drwy wefan Crimestoppers neu drwy eu ffonio nhw ar 0800 555 111.
Mae unrhyw fanylion y gallwch eu rhoi i Crimestoppers yn hynod o werthfawr i'n helpu i ddarganfod mwy am bwy sy'n cyflawni'r mathau yma o droseddau.