Allanfa Gyflym
Rydym yn defnyddio rhai cwcis hanfodol i wneud i’n gwefan weithio. Hoffem osod cwcis ychwanegol fel y gallwn gofio eich dewisiadau a deall sut rydych yn defnyddio ein gwefan.
Gallwch reoli eich dewisiadau a gosodiadau cwcis unrhyw bryd drwy glicio ar “Addasu cwcis” isod. I gael rhagor o wybodaeth am sut rydym yn defnyddio cwcis, gweler ein Hysbysiad cwcis.
Mae eich dewisiadau cwcis wedi’u cadw. Gallwch ddiweddaru eich gosodiadau cwcis unrhyw bryd ar y dudalen cwcis.
Mae eich dewisiadau cwcis wedi’u cadw. Gallwch ddiweddaru eich gosodiadau cwcis unrhyw bryd ar y dudalen cwcis.
Mae’n ddrwg gennym, roedd problem dechnegol. Rhowch gynnig arall arni.
Diolch am roi cynnig ar fersiwn 'beta' ein gwefan newydd. Mae'n waith ar y gweill, byddwn yn ychwanegu gwasanaethau newydd dros yr wythnosau nesaf, felly cymerwch gip a gadewch i ni wybod beth yw eich barn chi.
![]()
Mae gwerthwr cyffuriau a ymddangosodd yn un o straeon Heddlu De Cymru am redeg llinell gyffuriau fawr wedi cael ei ail-garcharu yn syth ar ôl cael ei ryddhau o'r carchar.
Dedfrydwyd Iestyn Raven, 24 oed o'r Barri, i 40 mis o garchar ym mis Ionawr 2025 ar ôl cyfaddef cyflawni troseddau oedd yn gysylltiedig â chyflenwi crac cocên a heroin ledled ardal Bro Morgannwg.
Cafwyd cryn sylw yn y cyfryngau ar ôl i swyddogion ddarganfod ffilm o Raven yn chwerthin ac yn esgus ffonio'r gwasanaeth Credyd Cynhwysol wrth afael mewn bwndel o arian parod yr oedd swyddogion yn credu ei fod wedi'i ennill drwy ddelio cyffuriau.
Ar y pryd, dywedodd y Ditectif Arolygydd Tim Jones fod Raven “yn sicr ddim yn chwerthin nawr" ar ôl cael ei anfon i'r carchar am ei ran yn cyflenwi cyffuriau Dosbarth A peryglus.
Ar ôl cael ei ryddhau a'i alw yn ôl i'r carchar, mae Raven wedi cael ei garcharu unwaith eto. Bydd e dan glo am chwe blynedd y tro hwn, yn dilyn ymchwiliad newydd gan Heddlu De Cymru i'r llinell gyffuriau "Reggie".
Yn ôl ymchwilwyr, roedd y llinell gyffuriau dal ar waith ledled ardal Bro Morgannwg rhwng mis Ionawr a mis Mai 2026. Anfonwyd negeseuon yn hysbysu bod crac cocên a heroin ar werth, a defnyddiwyd yr un arddull a brandio unigryw wrth anfon negeseuon at gwsmeriaid ag yr hyn a welwyd pan gafodd Raven ei euogfarnu yn flaenorol.
Sylwodd swyddogion fod llawer o debygrwydd rhwng y llinell gyffuriau wreiddiol a'r gweithgarwch diweddaraf, gan gynnwys negeseuon marchnata, patrymau cysylltiadau, cyfathrebu â chwsmeriaid a'r adegau roedd y llinell yn weithredol.
Nodwyd yn ystod yr ymchwiliad hefyd fod y llinell gyffuriau wedi stopio gweithredu ar unwaith ar ôl arestio Raven a'i alw yn ôl i'r carchar ym mis Mai 2026. Dyma’r union beth a ddigwyddodd pan arestiwyd Raven ym mis Medi 2024 ac aeth y llinell "Reggie" wreiddiol yn segur.
Roedd ditectifs yn aros am Raven y tu allan i garchar Caerdydd ar 16 Gorffennaf 2026 ac fe wnaethant ei arestio wrth iddo gamu allan o gatiau'r carchar.
Cafodd ei gyhuddo o ymwneud â chyflenwi crac cocên a heroin ac fe'i carcharwyd am chwe blynedd yn Llys y Goron Caerdydd ar 29 Hydref.
Dywedodd Ditectif Cwnstabl Daniel Davies:
"Mae'r ymchwiliad hwn yn dangos ein penderfyniad i dargedu'r rheini sy'n parhau i elwa o'r trallod maen nhw'n ei beri wrth gyflenwi cyffuriau Dosbarth A.
"Er ei fod eisoes wedi cael dedfryd sylweddol o garchar, dewisodd Raven gymryd rhan ganolog yn cyflenwi cyffuriau unwaith eto.
"Gall trigolion cymunedau Bro Morgannwg fod yn dawel eu meddyliau y byddwn yn parhau i weithio'n ddiflino i ddod o hyd i'r rheini sy'n ymwneud â chyflenwi cyffuriau anghyfreithlon a'u dwyn gerbron y llysoedd."