Diweddariad am yr ymchwiliad i ddigwyddiad yn ymwneud ag arfau tanio yn Nhreforys: Dyn wedi'i gyhuddo, dau wedi'u rhyddhau ar fechnïaeth

Mae Thomas Gilheany, dyn 29 oed a gafodd ei arestio mewn cysylltiad â'r digwyddiad ar Heol Clase, Abertawe, ddydd Gwener 6 Tachwedd wedi cael ei gyhuddo o affräe a bod ag arf ymosodol yn ei feddiant. Bydd yn ymddangos gerbron Llys Ynadon Abertawe ddydd Llun 9 Tachwedd.

Mae'r dyn 41 oed a'r bachgen 16 oed a arestiwyd mewn cysylltiad â'r digwyddiad wedi cael eu rhyddhau ar fechnïaeth yr heddlu.

Mae'r ymchwiliad i'r digwyddiad am 4:15pm ddydd Gwener yn cael ei arwain gan Dîm Ymchwilio i Droseddau Mawr Heddlu De Cymru. Mae'r ymchwiliad yn dal i fynd rhagddo ar hyn o bryd.

Nid ydym yn ymwybodol o unrhyw anafiadau yn gysylltiedig â'r digwyddiad.

Mae ditectifs yn parhau i apelio am wybodaeth ac maent yn awyddus i glywed gan fodurwyr a oedd yn teithio ar hyd Heol Clase, Heol Samlet, Upper Fforest Way neu Ffordd y Cwm rhwng 4:15pm a 4:30pm, ac unrhyw un a deithiodd ar hyd Ffordd y Cwm rhwng hanner dydd a 1:30pm. Gofynnir i fodurwyr gyflwyno delweddau camera cerbyd, hyd yn oed os nad oedden nhw wedi gweld y digwyddiad neu wedi sylwi ar unrhyw beth anarferol ar y pryd, gan y gallai’r lluniau hyn gynnwys gwybodaeth am gerbydau neu symudiadau a allai gynorthwyo ein hymchwiliad.

Gellir cyflwyno lluniau camera cerbyd, teledu cylch cyfyng neu ffôn symudol drwy'r Porth Cyhoeddus Digwyddiadau Mawr: https://mipp.police.uk/operation/62SWP26C43-PO1

Gellir rhannu unrhyw wybodaeth arall yn ddienw drwy ffonio Crimestoppers ar 0800 555 111.

Dywedodd y Prif Uwch-arolygydd, Stephen Jones:

"Mae ein hymchwiliad, sy'n cynnwys timau o dditectifs a staff arbenigol, yn parhau.
"Mae digwyddiadau fel hyn yn brin, ond rydym yn gwerthfawrogi eu bod yn achosi cryn bryder i gymunedau lleol.
"Bydd presenoldeb amlwg yr heddlu yn parhau yn yr ardal wrth i swyddogion barhau i gynnal ymholiadau a thawelu meddyliau trigolion lleol.
"Hoffwn ddiolch i aelodau o'r cyhoedd sydd wedi cynorthwyo ein hymchwiliad hyd yma."