Allanfa Gyflym
Rydym yn defnyddio rhai cwcis hanfodol i wneud i’n gwefan weithio. Hoffem osod cwcis ychwanegol fel y gallwn gofio eich dewisiadau a deall sut rydych yn defnyddio ein gwefan.
Gallwch reoli eich dewisiadau a gosodiadau cwcis unrhyw bryd drwy glicio ar “Addasu cwcis” isod. I gael rhagor o wybodaeth am sut rydym yn defnyddio cwcis, gweler ein Hysbysiad cwcis.
Mae eich dewisiadau cwcis wedi’u cadw. Gallwch ddiweddaru eich gosodiadau cwcis unrhyw bryd ar y dudalen cwcis.
Mae eich dewisiadau cwcis wedi’u cadw. Gallwch ddiweddaru eich gosodiadau cwcis unrhyw bryd ar y dudalen cwcis.
Mae’n ddrwg gennym, roedd problem dechnegol. Rhowch gynnig arall arni.
Diolch am roi cynnig ar fersiwn 'beta' ein gwefan newydd. Mae'n waith ar y gweill, byddwn yn ychwanegu gwasanaethau newydd dros yr wythnosau nesaf, felly cymerwch gip a gadewch i ni wybod beth yw eich barn chi.
Mae dyn 67 oed o Gaerdydd wedi cael ei garcharu am 20 mlynedd am gyflawni cyfres o droseddau rhywiol yn erbyn plant yn y gorffennol.
Cafodd Timothy Weaving ei ddedfrydu yn Llys y Goron Caerdydd ddydd Mercher 18 Tachwedd 2026 ar ôl iddo gael ei ddyfarnu'n euog o nifer o droseddau, gan gynnwys treisio plentyn dan 13 oed.
Bu ei droseddau’n rhychwantu cyfnod o bron degawd, gan ddechrau 17 mlynedd yn ôl.
Clywodd y llys fod Weaving wedi rhoi pwysau ar y dioddefwr i dynnu ei chwyn wreiddiol.
Yn y llys, disgrifiwyd y cam-drin a'r niwed seicolegol a achosodd yn ‘rhywbeth dwfn a pharhaol a newidiodd fywyd y dioddefwr'.
Cafwyd Weaving yn euog o saith cyhuddiad, gan gynnwys treisio plentyn, treisio, dau achos o ymosodiad rhywiol, dau gyhuddiad o achosi i blentyn dan 13 oed i gymryd rhan mewn gweithgarwch rhywiol ac achosi plentyn i gymryd rhan mewn gweithgarwch rhywiol.
Gwadodd y troseddau, ond fe'i cafwyd yn euog yn dilyn treial yn Llys y Goron Caerdydd yn gynharach y mis hwn.
Cafodd Weaving ddedfryd o 20 mlynedd o garchar gyda chyfnod estynedig o flwyddyn ar drwydded. Bydd yn destun gofynion hysbysiad troseddwr rhyw a Gorchymyn Atal Niwed Rhywiol am weddill ei oes.
Dywedodd y Ditectif Ringyll Annalisa Bartley:
"Gwnaeth Timothy Weaving ei orau glas i geisio osgoi cael ei ddwyn i gyfrif drwy roi pwysau ar y dioddefwr i roi’r gorau i gefnogi’r erlyniad, a phan fethodd â’i darbwyllo i wneud hynny, plediodd yn ddieuog yn y llys.
"Fodd bynnag, diolch i ddewrder a chryfder eithriadol y dioddefwr ac ymchwiliad trylwyr gan yr heddlu, mae ef bellach yn wynebu canlyniadau ei weithredoedd ac mae’n bosibl iawn y bydd yn treulio gweddill ei oes dan glo.
"Gobeithio y bydd y canlyniad hwn yn rhoi rhywfaint o dawelwch meddwl i'r dioddefwr fod cyfiawnder wedi'i weinyddu o'r diwedd, a hoffem anfon ein dymuniadau gorau iddi wrth iddi barhau i symud ymlaen ac ailadeiladu ei bywyd.
"Mae'r achos hwn yn dangos unwaith eto nad yw hi byth yn rhy hwyr i ddioddefwyr troseddau rhywiol gysylltu â ni.
"Ni waeth faint o amser sydd wedi mynd heibio, bydd Heddlu De Cymru yn mynd ar drywydd y rheini sy'n gyfrifol am gyflawni troseddau rhywiol."
Wrth ddarllen datganiad yn y llys, diolchodd y dioddefwr dewr i bawb a'i chefnogodd, gan gynnwys y Ditectif Ringyll Bartley, bargyfreithwyr y tîm erlyn, a'i gweithwyr cymorth.
"Ni allaf bwysleisio ddigon pa mor ddiolchgar ydw i i'r rheini sydd wedi fy helpu ac wedi gwrando arna i. Teimlaf, oni bai am y cymorth gan bobl o'm cwmpas, na allwn i fod wedi mynd at yr heddlu na wynebu achos llys.
“Roedd y sawl sydd wedi fy helpu bob amser yn dweud fy mod i wedi gwneud hyn ar fy mhen fy hun, a oedd yn fy ngrymuso i raddau helaeth ac yn fy helpu i ddod drwy'r peth anoddaf rydw i erioed wedi gorfod ei wynebu."
Mae Heddlu De Cymru yn cymryd pob adroddiad am drais rhywiol o ddifrif, ac nid yw hi byth yn rhy hwyr i roi gwybod am drosedd.
Mae cymorth a chefnogaeth ar gael i unrhyw un sydd wedi dioddef trais rhywiol, a byddem yn annog pob dioddefwr, ni waeth pryd y digwyddodd y drosedd, i roi gwybod amdani.
Ewch i'n gwefan i gael rhagor o wybodaeth am y cymorth sydd ar gael: https://www.south-wales.police.uk/cy-GB/riportio/riportio/riportiwch/alpha-v1/cyngor/treisio-ymosod-rhywiol-a-throseddau-rhywiol-eraill/sut-i-riportio-treisio-ymosodiad-rhywiol-troseddau-rhywiol-eraill/
Fel arall, cysylltwch â ni drwy un o'r ffyrdd canlynol:
Ffoniwch 999 bob amser mewn argyfwng.