Gorchymyn Ymddygiad Troseddol arall wedi'u sicrhau i helpu i atal troseddau ac ymddygiad gwrthgymdeithasol ledled Caerdydd a Bro Morgannwg.

Gorchymyn Ymddygiad Troseddol arall wedi'u sicrhau i helpu i atal troseddau ac ymddygiad gwrthgymdeithasol ledled Caerdydd a Bro Morgannwg.

Mae sicrhau mwy nag 20 Gorchymyn Ymddygiad Troseddol yn y flwyddyn ddiwethaf, yn bennaf ar gyfer troseddau manwerthu, yn dangos ein hymrwymiad i gefnogi busnesau lleol.

Yn ystod y 12 mis diwethaf, mae dau ddeg dau o bobl wedi’u gwneud yn destun Gorchymyn Ymddygiad Troseddol mewn ymdrech barhaus i leihau effaith troseddwyr cyson ar fusnesau lleol a'r gymuned ehangach.

Jay Slade, Jake Royal, a Joshua Ruck yw'r troseddwyr cyson diweddaraf i ymuno â'r rhestr ac maent wedi cael eu gorchymyn i gadw draw o rai busnesau ac ardaloedd.

• Mae Jay Slade, 49 oed, o'r Barri, wedi cael Gorchymyn Ymddygiad Troseddol am ddwy flynedd yn dilyn ei euogfarnau diweddaraf am ddwyn alcohol o'r siop One-Stop ar Broad Street, Y Barri.  
  Fel rhan o'r Gorchymyn Ymddygiad Troseddol, a orfodwyd ar 19 Mai, 2026, mae wedi’i wahardd o Holton Road, Broad Street, a Windsor Road, Penarth, oni bai bod ganddo apwyntiad wedi'i drefnu ymlaen llaw gydag asiantaeth gymorth neu apwyntiad meddygol.

• Mae Jake Royle, 23 oed, o'r Barri, wedi cael ei garcharu am 26 wythnos am gyfres o ladradau o siopau ac archfarchnadoedd yn y Barri, Penarth, a Chroes Cwrlwys.
  Cafodd Royle ei ddedfrydu i garchar ar 20 Mai, 2026, a cafodd Orchymyn Ymddygiad Troseddol am dair blynedd yn ei wahardd o Broad Street a Holton Road, Y Barri, a'r archfarchnadoedd canlynol – Asda yn y Barri, Morrisons yn y Barri, Morrisons yn y Barri, a Tesco Croes Cwrlwys.

• Mae Joshua Ruck, 32 oed, o Dredelerch, wedi cael ei garcharu am wyth mis am droseddau dwyn o siopau yng Ngorsaf Wasanaethau Llaneirwg, Sainsburys Heol Casnewydd, Siopau Llanrhymni, a'r gwasanaethau Welcome Break ym Mhontprennau.
  Cafodd ei ddedfrydu ar 12 Mai, 2026, a cafodd Orchymyn Ymddygiad Troseddol am ddwy flynedd i beidio â mynd i mewn i'r siopau uchod.

Dywedodd yr Arolygydd Rya Cowan-Davies, o'r Bartneriaeth Diogelwch Cymunedol: "Mae Heddlu De Cymru yn gweithio'n agos gyda manwerthwyr a busnesau i'w hamddiffyn rhag troseddau ac ymddygiad gwrthgymdeithasol a gyflawnir gan unigolion fel y rhain.

“Gall dwyn yn gyson o siopau gael effaith ddinistriol ar weithwyr siopau a manwerthwyr.

“Mae sicrhau mwy nag 20 Gorchymyn Ymddygiad Troseddol yn y flwyddyn ddiwethaf, yn bennaf ar gyfer troseddau manwerthu, yn dangos ein hymrwymiad i fynd i'r afael â dwyn o siopau a chefnogi busnesau lleol.”