Mae seithfed person wedi cael ei gyhuddo mewn cysylltiad ag ymchwiliad sy'n gysylltiedig â dau blentyn o Gaerdydd a arestiwyd yng Ngwlad Thai

Mae seithfed person wedi cael ei gyhuddo mewn cysylltiad ag ymchwiliad sy'n gysylltiedig â dau blentyn o Gaerdydd a arestiwyd yng Ngwlad Thai.

Ym mis Mehefin, cafodd Heddlu De Cymru wybod bod dau fachgen 17 oed o Gaerdydd wedi cael eu harestio yng Ngwlad Thai.

Dechreuodd ymchwiliad i'r amgylchiadau a arweiniodd at y plant yn teithio dramor.

O ganlyniad i'r ymchwiliad, sy'n dal i fynd rhagddo, gallwn gadarnhau'r canlynol:

• Mae Carrie-Anne Dreyer, 39 oed o Lanilltud Fawr, wedi cael ei chyhuddo o gynllwynio i osgoi gwaharddiad ar fewnforio cyffur Dosbarth B yn dwyllodrus a phedwar cyhuddiad o gynllwynio i drefnu taith unigolyn arall gyda'r bwriad o gam-fanteisio.

Mae Dreyer wedi cael ei chadw yn y ddalfa, a bydd yn ymddangos gerbron Llys Ynadon Caerdydd yfory (Dydd Iau 3 Medi).

Mae'r plant yn parhau i fod yn y ddalfa yng Ngwlad Thai lle maen nhw'n cael cymorth gan eu teuluoedd a'r Swyddfa Dramor a Chymanwlad.

Mae'r teuluoedd wedi cael gwybod am y person diweddaraf i gael ei arestio a’i gyhuddo.

Dreyer yw'r seithfed person i gael ei gyhuddo mewn cysylltiad â'r ymchwiliad hwn.

 Fel y cadarnhawyd yn flaenorol, ceir rhestr o’r unigolion sydd wedi cael eu cyhuddo ac sydd wedi ymddangos gerbron y llys isod:

• Tremaine Jeanne, 28 oed o Lanrhymni, Jessica Sani, 28 oed o Gasnewydd, Levi Mohamed, 20 oed o Butetown, Patrick O'Driscoll, 30 oed o Gaerau, a Gareth Press, 42 oed, o Drelái, a Ffion Bowes-Cavanagh Hooley, 24 oed o Gaerau.

Rydym yn deall bod hwn yn parhau i fod yn amser pryderus iawn iddyn nhw a'r gymuned ehangach.

Gofynnir i unrhyw un sydd â gwybodaeth neu sydd â phryderon gysylltu â Heddlu De Cymru gan grybwyll y cyfeirnod 2600200125.

• Cysylltwch â ni ar-lein yn https://bit.ly/SWPProvideInfo
• Ffoniwch 101 neu Crimestoppers yn ddienw ar 0800 555 111.

Ffoniwch 999 bob amser mewn argyfwng.