Ymchwiliad i blant o Gaerdydd a gafodd eu harestio yng Ngwlad Thai: rhagor o gyhuddiadau

Mae Tremaine Jeanne, 28 oed, o Lanrhymni, a Jessica Sani, 28 oed, o Gasnewydd, yn cael eu cadw yn y ddalfa i ymddangos yn Llys Ynadon Caerdydd.

 

Mae dau berson arall wedi cael eu cyhuddo mewn cysylltiad ag ymchwiliad sy'n gysylltiedig â dau blentyn o Gaerdydd a arestiwyd yng Ngwlad Thai.

Ym mis Mehefin, cafodd Heddlu De Cymru wybod bod dau fachgen 17 oed o Gaerdydd wedi cael eu harestio yng Ngwlad Thai.

Dechreuodd ymchwiliad i'r amgylchiadau a arweiniodd at y plant yn teithio dramor.

 

O ganlyniad i'r ymchwiliad, sy'n dal i fynd rhagddo, gallwn gadarnhau'r canlynol:

 

• Mae Tremaine Jeanne, 28 oed, o Lanrhymni, Caerdydd, wedi cael ei gyhuddo o gynllwynio i osgoi gwaharddiad ar fewnforio cyffur Dosbarth B yn dwyllodrus a phedwar cyhuddiad o gynllwynio i drefnu taith unigolyn arall gyda'r bwriad o gamfanteisio.
• Mae Jessica Sani, 28 oed o Gasnewydd, wedi cael ei chyhuddo o gynllwynio i osgoi gwaharddiad ar fewnforio cyffur Dosbarth B yn dwyllodrus a phedwar cyhuddiad o gynllwynio i drefnu taith unigolyn arall gyda'r bwriad o gamfanteisio.

 

Mae Jeanne a Sani yn cael eu cadw yn y ddalfa nes iddynt ymddangos yn Llys Ynadon Caerdydd ddydd Mawrth 11 Awst.

 

Mae chwech o bobl bellach wedi'u cyhuddo mewn perthynas â'r ymchwiliad hwn.

 

Ymddangosodd tri dyn a dynes yn Llys Ynadon Caerdydd heddiw (dydd Gwener 7 Awst).

 

Mae Levi Mohamed, 20 oed, o Butetown, Patrick O'Driscoll, 30 oed, o Gaerau, a Gareth Press, 42 oed, o Drelái, yn cael eu cadw yn y ddalfa ac mae Ffion Bowes-Cavanagh Hooley, 24 oed, o Gaerau, ar fechnïaeth llys.

 

Byddant yn ymddangos nesaf yn Llys y Goron Caerdydd ddydd Gwener 4 Medi.

 

Mae'r plant yn parhau i fod yn y ddalfa yng Ngwlad Thai lle maen nhw'n cael cymorth gan eu teuluoedd a'r Swyddfa Dramor a Chymanwlad.

 

Mae'r teuluoedd wedi cael diweddariadau ynglŷn â'r cyhuddiadau diweddar hyn.

 

Rydym yn deall bod hwn yn parhau i fod yn amser pryderus iawn iddyn nhw a'r gymuned ehangach.

Gofynnir i unrhyw un sydd â gwybodaeth neu sydd â phryderon gysylltu â Heddlu De Cymru gan grybwyll y cyfeirnod 2600200125.

• Cysylltwch â ni ar-lein yn https://bit.ly/SWPProvideInfo
• Ffoniwch 101 neu Crimestoppers yn ddienw ar 0800 555 111.

Ffoniwch 999 bob amser mewn argyfwng.