Digwyddiad yn Langham Way, Lecwydd

Gall Heddlu De Cymru gadarnhau bod menyw 31 oed o'r Barri wedi marw yn Ysbyty Athrofaol Cymru, Caerdydd, yn dilyn digwyddiad yn Langham Way, Lecwydd, Caerdydd. 

Mae ei pherthynas agosaf wedi cael gwybod.

Mae disgwyl i archwiliad post-mortem gael ei gynnal, ac mae ymholiadau yn parhau i ddarganfod achos ac amgylchiadau ei marwolaeth.

Cafodd yr heddlu eu galw i eiddo yn Langham Way, Lecwydd, tua 7.40pm nos Sadwrn, 1 Awst.

Aethpwyd â dwy fenyw i'r ysbyty yn dilyn adroddiadau bod rhywun wedi ymosod arnynt, a chafodd dyn ei arestio.

Mae un o'r menywod bellach wedi marw, ac mae'r fenyw arall wedi cael ei rhyddhau o'r ysbyty.

Mae Daniel McCarthy, 40 oed o Lecwydd, wedi cael ei gyhuddo o wrthod stopio cerbyd ar gais swyddog heddlu a dau gyhuddiad o ymosod.

Roedd disgwyl iddo ymddangos gerbron Llys Ynadon Caerdydd heddiw (dydd Mercher 5 Awst).

Mae ymchwiliad yn mynd rhagddo.