Carcharu dyn o Abertawe am gario cyllell pan gafodd ei stopio a'i chwilio
Cynnwys y prif erthygl
Mae dyn o Abertawe wedi cael ei garcharu ar ôl darganfod cyllell yn ei feddiant pan gafodd ei stopio a'i chwilio
Cafodd Andrew Coleman, 48 oed, o Ravenhill, ei stopio ddydd Mawrth 18 Tachwedd wrth i swyddogion batrolio ar droed ar Bryn Road. Roedd ganddo ddwy fasged o eitemau yn ei feddiant wedi'u dwyn o archfarchnad gerllaw, ynghyd â chyllell Stanley las.
Dywedodd Coleman wrth y swyddogion ei fod yn cario'r gyllell “ar gyfer ei ddiogelwch ei hun.”
Ddydd Mercher, plediodd Coleman yn euog i ladrata a bod â llafn cyllell/eitem lafnog finiog yn ei feddiant mewn man cyhoeddus.
Mae wedi cael ei ddedfrydu i 21 wythnos yn y carchar.
Dywedodd PC Scott Morris:
“Wrth i swyddogion weithio i dynnu sylw at beryglon troseddau'n ymwneud â chyllyll yn ystod Wythnos Ddwysáu Ymgyrch Sceptre, mae achosion fel hyn yn tynnu sylw at y broblem bod pobl yn dal i gario cyllyll pan fyddant allan ar y strydoedd.
“Nid yw cario cyllell ‘ar gyfer eich diogelwch eich hun’, fel y dywedodd Andrew Coleman, yn esgus.
“Gall digwyddiadau sy'n ymwneud â chyllyll arwain at ganlyniadau erchyll. Rydym yn gweithio gyda sefydliadau partner i gefnogi ein nodau o gadw De Cymru'n ddiogel rhag troseddau cyllyll.”
Gallwch ddysgu mwy am Ymgyrch Sceptre yma: Troseddau cyllyll | Heddlu De Cymru