Menyw wedi'i henwi yn dilyn achos o saethu yn Nhonysguboriau

Mae Heddlu De Cymru yn parhau i ymchwilio i farwolaeth menyw 40 oed yn ardal Tonysguboriau nos Sul 9 Mawrth 2025.

Cafodd swyddogion alwad nos Sul am 6.10pm yn nodi achos o saethu yn Llys Illtyd.

Roedd swyddogion a pharafeddygon Gwasanaeth Ambiwlans Cymru yn bresennol yn y lleoliad.

Daethpwyd o hyd i fenyw 40 oed yn dioddef o anafiadau difrifol. Ac er gwaethaf ymdrechion y gwasanaethau brys, cafodd ei datgan yn farw yn y fan a lle.

Er na chynhaliwyd gweithdrefn adnabod ffurfiol eto, credwn mai Joanne Penney, 40 oed, yw'r dioddefwr. Rhoddwyd gwybod i'w pherthnasau agosaf, ac maent yn cael eu cefnogi gan swyddogion arbenigol.

Gofynnwn i chi barchu eu preifatrwydd yn ystod y cyfnod anodd hwn.

Mae'r dyn 42 oed o Donysguboriau a gafodd ei arestio ar amheuaeth o lofruddiaeth yn nalfa'r heddlu o hyd.

Mae safleoedd troseddau yn parhau i fod ar waith wrth i waith fynd rhagddo i gasglu tystiolaeth yn dilyn y digwyddiad ac mae ymholiadau i'r amgylchiadau yn parhau.

Dywedodd y Ditectif Brif Uwch-arolygydd Ceri Hughes:

“Hoffwn sicrhau'r gymuned leol bod tîm o dditectifs profiadol a staff arbenigol yn parhau i weithio'n gyflym i greu darlun o'r digwyddiadau neithiwr, gan gynnwys adfer deunydd teledu cylch cyfyng.

“Rwy'n apelio ar unrhyw un sydd â deunydd o gamera dashfwrdd o deithiau yn ardal Tonysguboriau rhwng 5.30pm a 6.30pm ddydd Sul 9 Mawrth i'w gyflwyno yma: https://mipp.police.uk/operation/62SWP25C03-PO1

“Rwy'n deall y bydd y rhai sy'n byw yn Nhonysguboriau yn bryderus a bydd preswylwyr yn gweld mwy o swyddogion yr heddlu yn yr ardal fel rhan o'r ymchwiliad ac i roi tawelwch meddwl i'r gymuned.”

Gall unrhyw un sydd â gwybodaeth neu ddeunydd fideo, fel deunydd o deledu cylch cyfyng neu gamera dashfwrdd, ei chyflwyno/gyflwyno ar-lein: https://mipp.police.uk/operation/62SWP25C03-PO1

Fel arall, gallwch gysylltu â ni drwy un o'r ffyrdd canlynol, gan ddyfynnu rhif digwyddiad 2500075709.

• Sgwrs fyw https://www.south-wales.police.uk/cy-GB/
• Ar-lein https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
• 101

*Ffoniwch 999 bob amser mewn argyfwng.*

Gellir hefyd roi gwybodaeth yn ddienw drwy Crimestoppers ar 0800 555 111, neu drwy'r ffurflen ar-lein yn Rhoi Gwybodaeth | Crimestoppers (crimestoppers-uk.org)