Diweddariad ar yr ymchwiliad i lofruddiaeth Leanne Williams: Dyn wedi ei gyhuddo o lofruddiaeth

Bydd dyn 33 oed yn ymddangos gerbron y llys ddydd Mercher ar ôl cael ei gyhuddo o lofruddio Leanne Williams yn Abertawe.

Bydd Matthew Battenbough yn ymddangos gerbron Llys Ynadon Abertawe am 10am.

Nid oes camau pellach yn cael eu cymryd yn erbyn dyn 31 oed a arestiwyd fel rhan o'r ymchwiliad, ac mae wedi cael ei ryddhau o ddalfa'r heddlu.

Mae Tîm Ymchwilio i Droseddau Mawr Heddlu De Cymru wedi lansio ymchwiliad i lofruddiaeth ar ôl darganfod corff menyw mewn cyfeiriad yn Townhill ddydd Iau, 27 Chwefror.

Cafodd Leanne Williams, 47 oed ei darganfod gan swyddogion yr heddlu yn ei chartref ar Gomer Road am tua 2pm.

Cynhaliwyd post mortem gan y Swyddfa Gartref yn y dyddiau a ddilynodd a nodwyd anafiadau sylweddol sy'n nodweddiadol o ymosodiad.

Dywedodd y Ditectif Uwch-arolygydd Mark O’Shea:

“Rydym yn parhau i greu darlun o symudiadau olaf Leanne rhwng 6pm ddydd Llun, 24 Chwefror a 2.20pm y dydd Iau canlynol, pan gafodd ei darganfod gan swyddogion.
“Rydym yn gofyn i unrhyw un sy'n byw ar Gomer Road neu wedi teithio drwyddi neu'r ardaloedd cyfagos yn ystod yr amser hwn i wirio eu CCTV preifat neu ddeunydd dashfwrdd am unrhyw beth a all fod yn berthnasol. Ni waeth pa mor ddibwys ydyw yn eich barn chi. Yn benodol rydym am glywed gan bobl oedd yn adnabod Leanne ac sydd heb siarad â swyddogion eto.”

Gall unrhyw un sydd â gwybodaeth neu ddeunydd fideo eu cyflwyno ar-lein yma: https://mipp.police.uk/operation/62SWP25C02-PO1

Fel arall, gallwch gysylltu â ni drwy un o'r ffyrdd canlynol, gan ddyfynnu rhif digwyddiad 2500063736:

• Sgwrs Fyw https://www.south-wales.police.uk/cy-GB/
• Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
• 101. Ffoniwch 999 bob amser mewn argyfwng
• Neu Crimestoppers yn ddienw ar 0800 555 111