Dyn o Aberhonddu wedi ei garcharu am gyflawni sawl trosedd rywiol ar blant

Mae dyn o Aberhonddu wedi cael ei garcharu ar ôl iddo gael ei ddyfarnu'n euog o sawl trosedd rhyw yn erbyn plant.

Mae Paul Lewis, dyn 72 oed o Aberhonddu wedi cael ei ddyfarnu'n euog o ddau achos o dreisio, pum achos o ymosodiad anweddus ac un achos o anwedduster garw gyda phlentyn.

Cafodd ei ddedfrydu ddydd Gwener, 14 Chwefror, 2025, yn Llys y Goron Merthyr Tudful i 15 mlynedd yn y carchar, ac mae hefyd wedi cael Gorchymyn Atal Niwed Rhywiol sy'n ei atal rhag cysylltu ag unrhyw blentyn sydd o dan 16 oed. Bydd yn parhau ar y gofrestr troseddwyr rhyw am oes.

 

Dywedodd y Ditectif Gwnstabl Nicholas Murray:

“Mae Paul Lewis yn unigolyn peryglus a fanteisiodd ar ei ddioddefwr, sy'n blentyn, heb roi unrhyw ystyriaeth i'w llesiant.

“Rwy'n canmol dewrder y dioddefwr yn rhoi gwybod i ni am ei weithredoedd, a oedd yn allweddol wrth helpu i'w ddwyn i gyfrif.

“Rwy'n gobeithio y bydd y ddedfryd hon yn rhoi rhywfaint o gysur i'r dioddefwr a'i deulu, y mae pob un ohonynt wedi bod drwy brofiad dychrynllyd.”

 

I gael gwybodaeth a chanllaw ategol ar roi gwybod am droseddau rhywiol, gweler yma: Rhoi gwybod am droseddau rhywiol: Gwybodaeth a chanllaw ategol | Heddlu De Cymru (south-wales.police.uk)

I gael help a chymorth mewn perthynas â threisio, ymosodiadau rhywiol a throseddau eraill, gweler yma: Treisio, ymosod rhywiol a throseddau rhywiol eraill | Heddlu De Cymru (south-wales.police.uk)