Carcharu dyn o Aberafan yn dilyn treisio ac ymosod.
Cynnwys y prif erthygl
Mae dyn o Aberafan wedi'i garcharu yn dilyn collfarn am achosi niwed corfforol gwirioneddol (ABH), 2 achos o ymosodiad cyffredin, un achos o dreisio ac am dorri ei orchymyn atal.
Ymosododd Corey Jones, dyn 27 oed o Aberafan, Castell-nedd Port Talbot, yn rhywiol ar ei ddioddefwr mewn tŷ ym mis Gorffennaf 2024.
Cafodd ei ddedfrydu i wyth mlynedd yn y carchar yn Llys y Goron Abertawe, ddydd Mercher, 5 Mawrth, 2025.
Dywedodd y Ditectif Gwnstabl Rabaiotti: "Hoffwn ddiolch i'r dioddefwr yn yr achos hwn am ei dewrder a'i chryfder yn dod atom a siarad â ni ac am ei hymrwymiad yn ystod yr ymchwiliad.”
“Baswn yn annog unrhyw un sydd wedi dioddef ymosodiad rhyw, neu'n adnabod rhywun sydd wedi dioddef hyn, i gysylltu â ni. Byddwn yn gwrando arnoch, a byddwn yn ymchwilio iddo.”
I gael gwybodaeth a chanllaw ategol ar roi gwybod am droseddau rhywiol, gweler yma: Rhoi gwybod am droseddau rhywiol: Gwybodaeth a chanllaw ategol | Heddlu De Cymru (south-wales.police.uk)
I gael help a chymorth mewn perthynas â threisio, ymosodiadau rhywiol a throseddau eraill, gweler yma: Treisio, ymosod rhywiol a throseddau rhywiol eraill | Heddlu De Cymru (south-wales.police.uk)”