Carcharu dau ddyn yn dilyn lladrad ar Oxford Street, Abertawe

Mae dau ddyn o Abertawe wedi cael eu carcharu ar ôl cyflawni lladrad ac yna ddefnyddio cerdyn banc y dioddefwr.

Aeth Keiron Gordon, 24 oed o Townhill, a Scott Simmonds, 36 oed heb gartref sefydlog, at y dioddefwr, a oedd yn ddieithr iddynt, ar Oxford Street yn Abertawe ar 15 Mawrth.

Yna, pwniodd un o'r dynion y dioddefwr yn ei wyneb yn ddi-sail, gan beri iddo gwympo i'r llawr. Dywedodd wrtho i beidio â symud pan roedd un yn ei ddal i lawr a'r llall yn gwagio ei bocedi, gan dynnu ei waled a'i ffôn symudol allan.

Defnyddiodd y ddau gerdyn banc y dioddefwr wedyn i brynu alcohol.

Cafodd y ddau ddyn eu hadnabod gan ddefnyddio technoleg adnabod wynebau, a chawsant eu harestio ychydig ddyddiau yn ddiweddarach.

Mae Keiron Gordon wedi cael ei ddedfrydu i 30 mis yn y carchar. Mae Scott Simmonds wedi cael ei ddedfrydu i 40 mis yn y carchar.

Dywedodd y Ditectif Arolygydd Stuart Prendiville:

“Ni ddylai neb orfod cerdded ar ein strydoedd yn ofni pobl fygythiol fel Keiron Gordon a Scott Simmonds.

“Roedd eu hymosodiad ar y dioddefwr yn llwfr ac yn gwbl annerbyniol, ac nid oes amheuaeth eu bod wedi'u sbarduno ar ôl cymryd cyffuriau ac alcohol.

“Mae'r ffaith eu bod wedi credu y byddent yn osgoi cael eu dal am y drosedd hon yn dweud y cyfan am eu cymeriadau gwael. Carchar yw'r lle cywir iddynt.”