Mae dyn 56 oed o'r Pîl wedi cael ei arestio ar amheuaeth o lofruddiaeth
Cynnwys y prif erthygl
Cafodd swyddogion eu galw ychydig ar ôl 9.15pm nos Wener, 18 Ebrill, oherwydd pryder am lesiant dau berson mewn eiddo ar Bryn Terrace, Cefn Cribwr.
Aeth swyddogion i'r eiddo a daethant o hyd i fenyw 48 oed a gafodd ei datgan yn farw yn y fan a'r lle.
Daethpwyd o hyd i ddyn 56 oed o'r Pîl yn yr eiddo a chafodd ei ddal gan swyddogion. Mae wedi cael ei arestio ar amheuaeth o lofruddiaeth.
Dywedodd y Ditectif Brif Arolygydd Lianne Rees:
"Rydym yn parhau i ymchwilio i'r farwolaeth, sy'n cael ei thrin fel un amheus, ond ar hyn o bryd, nid ydym yn chwilio am unrhyw un arall mewn cysylltiad â'r digwyddiad.
"Rydym yn meddwl am deulu a ffrindiau'r fenyw sydd wedi marw.”