Diweddariad ar yr ymchwiliad i lofruddiaeth Paria Veisi

Mae ditectifs sy'n ymchwilio i lofruddiaeth Paria Veisi wedi darganfod ei chorff mewn cyfeiriad ym Mhenylan, Caerdydd.

Mae dyn 41 oed o Benylan, Caerdydd, wedi cael ei gyhuddo o lofruddiaeth; atal corff marw rhag cael ei gladdu'n gyfreithlon ac yn barchus ac ymosod ar berson gan achosi niwed corfforol gwirioneddol iddo.

Mae menyw 48 oed o Australia Road, White City Estate, Llundain, wedi cael ei chyhuddo o atal corff marw rhag cael ei gladdu'n gyfreithlon ac yn barchus a chynllwynio i wyrdroi cwrs cyfiawnder.

Ymddangosodd y ddau gerbron Llys Ynadon Caerdydd heddiw, ddydd Sadwrn 19 Ebrill. Mae'r ddau wedi cael eu cadw yn y ddalfa nes iddynt ymddangos nesaf gerbron Llys y Goron Caerdydd am 9am ddydd Mawrth, 22 Ebrill.

Dywedodd yr Uwch-swyddog Ymchwilio, y Ditectif Brif Arolygydd Matt Powell:

"Daw hyn â'n chwiliad am Paria i ddiwedd trist a thrasig. Bydd y datblygiadau diweddaraf hyn wedi achosi sioc a thristwch mawr i deulu Paria, pawb a oedd yn ei hadnabod, a'r rhai yn ei chymuned leol. Mae swyddogion cyswllt â theuluoedd yn parhau i gefnogi teulu Paria.
"Hoffwn ddiolch i'r rhai sydd wedi cysylltu â ni hyd yma gyda gwybodaeth ers i ni lansio ein hapêl.
"Bydd ditectifs ac ymchwilwyr safleoedd troseddau yn parhau i weithio yn ardal Penylan dros yr wythnos nesaf, a byddwn yn annog unrhyw un sydd â gwybodaeth i siarad â swyddogion yno neu i gysylltu â ni drwy'r ddolen ganlynol https://mipp.police.uk/operation/62SWP25C05-PO1."

Fel arall, gallwch gysylltu â ni drwy un o'r ffyrdd canlynol gan ddyfynnu cyfeirnod 2500116906.

• Sgwrs Fyw https://www.south-wales.police.uk/cy-GB/
• Ar-lein https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
• 101

Ffoniwch 999 bob amser mewn argyfwng.

Gellir hefyd roi gwybodaeth yn ddienw drwy Crimestoppers ar 0800 555 111, neu drwy'r ffurflen ar-lein yn Rhoi Gwybodaeth | Crimestoppers (crimestoppers-uk.org).