Ymosodiad difrifol yn Ynys y Barri: Dau fachgen wedi'u cyhuddo
Cynnwys y prif erthygl
Mae dau fachgen yn eu harddegau wedi cael eu cyhuddo mewn cysylltiad ag ymosodiad difrifol ar ferch 12 oed yn y Barri dros y penwythnos.
Bydd y bechgyn, sy'n 13 a 15 oed, yn ymddangos gerbron Llys Ynadon Caerdydd fore heddiw wedi'u cyhuddo o achosi niwed corfforol difrifol yn fwriadol.
Cafodd yr heddlu eu galw tua 5pm ddydd Sul, 24 Tachwedd i ymateb i ymosodiad ger maes parcio Harbour Road yn Ynys y Barri.
Cafodd y dioddefwr sawl anaf trywanu ac mae yn yr ysbyty o hyd.