Apêl am dystion yn dilyn gwrthdrawiad gyda cherddwr

Rydym yn apelio am dystion i wrthdrawiad traffig ffordd a ddigwyddodd ychydig ar ôl 7.00pm nos Sul 17 Tachwedd ar Water Street, Aberafan, Port Talbot.

Roedd y gwrthdrawiad yn cynnwys car codi to Audi A5 glas a oedd yn cael ei yrru gan ddyn 43 oed o Bort Talbot a cherddwr, sef dyn 79 oed a oedd hefyd yn dod o Bort Talbot.

Rydym am glywed gan unrhyw un a allai fod wedi bod yn Water Street ar adeg y gwrthdrawiad, neu unrhyw un a welodd symudiadau car codi to Audi A5 glas a cherddwr gwrywaidd yn union cyn y digwyddiad.

Rydym hefyd yn apelio ar unrhyw un a allai fod â deunydd fideo teledu cylch cyfyng neu gamera dashfwrdd o'r digwyddiad i gysylltu â ni. Cysylltwch â ni gan ddyfynnu cyfeirnod 2400383383.

Ewch i:

💬 Sgwrs Fyw https://www.south-wales.police.uk/cy-GB/

💻 Ar-lein https://bit.ly/SWPProvideInfo

📞 101