Carcharu dyn o Lanelli yn dilyn euogfarn o drosedd rhyw yn erbyn plentyn

Mae dyn o Sir Gaerfyrddin wedi cael ei garcharu ar ôl iddo gael euogfarn o droseddau rhyw yn erbyn plentyn.

Cafodd Alexander Wilson, 45 oed, o Lanelli, ei gyhuddo o ddau achos o dreisio plentyn dan 13 oed ac un achos o ysgogi plentyn dan 13 oed i ymgymryd â gweithgarwch rhywiol.

Cafodd troseddau Wilson eu nodi pan anfonodd ei ddioddefwr air diogel dros neges destun at ei fam i ddangos ei fod yn teimlo ei fod mewn perygl.

Yr wythnos hon mae wedi cael dedfryd estynedig o 20 mlynedd, sy'n cynnwys 17 mlynedd yn y carchar a thair blynedd ar drwydded estynedig.

Bydd yn y carchar am o leiaf ddwy ran o dair o'i ddedfryd.

Dywedodd y Ditectif Gwnstabl Chris Medlicott:

"Mae Alexander Wilson yn rheibiwr rhywiol peryglus yn erbyn plant. Diolch byth, mae profiad trawmatig ei ddioddefwr bellach drosodd – ond bydd y niwed a achoswyd gan droseddau Alexander Wilson yn ddifesur.

"Bydd nawr yn cael ei anfon i'r carchar."

I gael gwybodaeth a chanllaw ategol ar roi gwybod am droseddau rhywiol, gweler yma: Rhoi gwybod am droseddau rhywiol: Gwybodaeth a chanllaw ategol| Heddlu De Cymru (south-wales.police.uk)

I gael help a chymorth mewn perthynas â threisio, ymosodiadau rhywiol a throseddau eraill, gweler yma: Treisio, ymosod rhywiol a throseddau rhywiol eraill | Heddlu De Cymru (south-wales.police.uk)