Carcharu dyn o Swydd Amwythig yn dilyn troseddau rhywiol yn Townhill

 

Mae dyn o Swydd Amwythig wedi cael ei garcharu ar ôl iddo gael ei ddyfarnu'n euog o sawl trosedd rywiol.

Cafwyd Sean Murphy, 52 oed, yn euog o dreisio, ymosodiad rhywiol drwy dreiddio, ac ymosodiad drwy daro, a hynny yn Townhill, Abertawe ym mis Mai.

Heddiw, cafodd ei ddedfrydu i saith mlynedd a hanner yn y carchar.

Mae hefyd wedi'i wneud yn destun gorchymyn atal am ddeng mlynedd. Bydd ei enw ar y gofrestr troseddwyr rhyw am oes.

Dywedodd y Ditectif Arolygydd Sharon Gill-Lewis:

“Roedd troseddau Sean Murphy yn ffiaidd, ac mae wedi cael ei ddedfrydu i ddedfryd hir o garchar.

“Hoffwn dalu teyrnged i ddewrder y dioddefwr wrth gysylltu â ni. Heb wneud hynny, byddai dyn peryglus iawn ar y strydoedd o hyd.”

I gael gwybodaeth a chanllaw ategol ar roi gwybod am droseddau rhywiol, gweler yma: Rhoi gwybod am droseddau rhywiol: Gwybodaeth a chanllaw ategol | Heddlu De Cymru (south-wales.police.uk)

I gael help a chymorth mewn perthynas â threisio, ymosodiadau rhywiol a throseddau eraill, gweler yma: Treisio, ymosod rhywiol a throseddau rhywiol eraill | Heddlu De Cymru (south-wales.police.uk)