Hyfforddiant CSI: lluniau'n dangos cipolwg diddorol o waith ymchwilwyr tu ôl i'r llenni
Cynnwys y prif erthygl
Mae'r lluniau diddorol hyn yn dangos ychydig o'r hyfforddiant gloywi mae ein hymchwilwyr safleoedd troseddau wedi bod yn ei gwblhau'n ddiweddar.
Rhybudd: lluniau o waed isod
Ochr yn ochr â chydweithwyr o heddluoedd eraill yn Ne Cymru a de-orllewin Lloegr, roedd y CSIs yn gallu meithrin amrywiaeth o sgiliau i ehangu ymhellach ar y gwaith y maent yn ei wneud mewn achosion go iawn.
Prif rôl y CSIs mewn plismona yw archwilio safleoedd troseddau a chofnodi neu gynnal unrhyw beth a allai gael ei ddefnyddio fel tystiolaeth – hyn oll gyda'r nod o ddod â throseddwyr gerbron eu gwell, ac amddiffyn y cyhoedd.
Roedd yr ymarferion yn ystod y sesiynau diweddar yn cynnwys tyrchu am dystiolaeth yn dilyn tân, gyda'r elfen honno o'r hyfforddiant yn cael ei chynnal ym mhencadlys Gwasanaeth Tân ac Achub Hampshire ac Ynys Wyth.
Fel rhan o'r hyfforddiant, roedd yn rhaid astudio sut i ddadansoddi patrymau gwaed, gan gynnwys sut y gall hynny ddatgelu'r uchder, ongl, ac oddi ar beth y gall y gwaed fod wedi diferu oddi arno.
Rhybudd: lluniau o waed isod
