Carcharu dyn o Abertawe yn dilyn nifer o ymosodiadau rhyw

Cafodd dyn o Abertawe ddedfryd o garchar estynedig am gyflawni nifer o droseddau gan gynnwys dau gyhuddiad o ymgais i dreisio.

Cafodd Leo Payne, 20 oed o Fôn-y-maen, ei gael yn euog o ddau gyhuddiad o ymgais i dreisio ar ddau ddioddefwr gwahanol, yn ogystal ag un cyhuddiad yr un o ymosod yn rhywiol, dinoethi anweddus ac o achosi niwed corfforol difrifol (GBH).

Yr wythnos hon, mae wedi cael dedfryd estynedig o 16 mlynedd o garchar, gydag 11 mlynedd a thri mis ohono yn y carchar.

Dywedodd y Ditectif Gwnstabl Kelly Hurley:

“Manteisiodd Leo Payne ar ei ddioddefwyr pan oeddent ar eu pen eu hunain ac yn agored i niwed yng nghanol dinas Abertawe.

“Mae ei droseddau mynych yn dangos ei fod yn berygl difrifol i eraill, ac nid oedd unrhyw dystiolaeth o edifeirwch am ei weithredoedd.

“Hoffwn dalu teyrnged i'w ddioddefwyr am eu dewrder yn cysylltu â ni i adrodd am weithredoedd Leo Payne. Bydd pob un ohonynt yn delio ag effeithiau trawmatig ofnadwy ei droseddau am amser hir, ond gobeithio y bydd y ddedfryd hon yn rhoi rhywfaint o gysur iddynt na fydd bellach ar y strydoedd.”

Gellir dod o hyd i ganllawiau ar sut i roi gwybod am achos o dreisio, ymosodiad rhywiol neu drosedd rywiol arall yma: Sut i riportio treisio, ymosodiad rhywiol neu droseddau rhywiol eraill | Heddlu De Cymru (south-wales.police.uk)

Os nad ydych chi'n siŵr a ydych chi'n barod i roi gwybod amdano, rydym wedi casglu gwybodaeth yma i'ch helpu i benderfynu ai riportio yw’r cam cywir i chi.