Gwrthdrawiad Traffig Ffordd Hirwaun: Diweddariad
Cynnwys y prif erthygl
Mae'r bachgen 13 oed a oedd yn rhan o'r gwrthdrawiad traffig ffordd ar Ffordd Aberhonddu, Hirwaun, ddydd Iau 29 Chwefror, wedi marw yn yr ysbyty.
Kaylan Hippsley yw ei enw, o Hirwaun.
Rydym yn meddwl am deulu Kaylan ac yn cydymdeimlo â nhw ar yr adeg anodd yma.
Ymddangosodd Harley Whiteman, 19 oed o Hirwaun, gerbron Llys Ynadon Caerdydd ddydd Sadwrn, 2 Mawrth, wedi'i gyhuddo o achosi anaf difrifol drwy yrru'n beryglus ac am fethu â darparu sampl i'w ddadansoddi.
Mae wedi cael ei gadw yn y ddalfa.
Mae'r heddlu'n parhau i ymchwilio i'r gwrthdrawiad ac yn apelio am dystion a deunydd fideo.
Cafodd y gwasanaethau brys eu galw am 6.25pm nos Iau, 29 Chwefror yn dilyn y gwrthdrawiad a oedd yn cynnwys Ford Fiesta brown a cherddwr.
Mae swyddogion o'r Uned Ymchwiliadau i Wrthdrawiadau Difrifol yn apelio am unrhyw dystion neu ddeunydd fideo o gamera dashfwrdd o'r Ford Fiesta brown yn cael ei yrru o amgylch ardal Hirwaun cyn y gwrthdrawiad.
Os gallwch helpu, cysylltwch â ni drwy un o'r ffyrdd canlynol gan ddyfynnu rhif digwyddiad 2400069631.
Ewch i:
💬 Sgwrs Fyw https://www.south-wales.police.uk/cy-GB/
📞 101