Ymgyrch tacsis ar y cyd yn sicrhau diogelwch teithwyr yn Abertawe a Chastell-nedd Port Talbot
Cynnwys y prif erthygl
Mae Tîm Trwyddedu Heddlu De Cymru yn Abertawe a Chastell-nedd Port Talbot wedi partneru â staff Trwyddedu Tacsis Cyngor Abertawe er mwyn cynnal ymgyrch tacsis ar y cyd i sicrhau diogelwch teithwyr.
Yn ystod yr ymgyrch:
- Cafodd dros 30 o dacsis eu stopio a'u gwirio
- Rhoddwyd 3 hysbysiad atal dros dro
- Rhoddwyd 2 hysbysiad atal dros dro gohiriedig, yn amodol ar unioni diffygion
Dywedodd y Rhingyll Chris Dix:
“Roedd hon yn ymgyrch bwysig a roddwyd ar waith er mwyn helpu i sicrhau diogelwch teithwyr mewn tacsis ar ôl noson allan yng nghanol y ddinas.
“Rydym am i deithwyr deimlo'n dawel eu meddwl ac yn hyderus y bydd unrhyw dacsi y byddant yn ei ddefnyddio ar ôl noson allan yn cydymffurfio'n llawn â deddfwriaeth diogelwch.”
Dywedodd David Hopkins, Aelod o'r Cabinet ar gyfer Gwasanaeth a Pherfformiad Corfforaethol:
“Mae tacsis yn elfen bwysig o drafnidiaeth gyhoeddus ein dinas ac rydym am sicrhau bod y cerbydau y mae'r cyhoedd yn teithio ynddynt yn ddiogel.
“Rydym yn gweithio'n rheolaidd gyda'n heddlu lleol i wirio tacsis sy'n gweithio yn y ddinas, a byddwn yn parhau i gymryd camau i sicrhau bod gweithredwyr tacsis yn gwneud popeth o fewn eu gallu i sicrhau bod eu cerbydau'n addas i'r ffordd fawr ac yn ddiogel i'w defnyddio.”