Pwerau ychwanegol i swyddogion yr heddlu er mwyn atal troseddau ac ymddygiad gwrthgymdeithasol yn Nhreorci

Yn dilyn sawl adroddiad am bobl ifanc yn ymgasglu ac yn ymddwyn mewn modd gwrthgymdeithasol ym Mharc Ystradfechan, Treorci ddydd Gwener diwethaf (17 Mai), mae swyddogion wedi cael pwerau ychwanegol o dan Adran 34 o Ddeddf Ymddygiad Gwrthgymdeithasol, Troseddu a Phlismona 2014 i wasgaru pobl yn yr ardal a ddangosir ar y map hwn rhwng 3:00pm ddydd Gwener 24 Mai a 7:00am ddydd Sul 26 Mai.

Dywedodd yr Arolygydd Matthew Jacob:

“Rwy'n annog rhieni/gwarcheidwaid i siarad â'u plant cyn heno er mwyn sicrhau nad ydynt yn ymddwyn mewn modd gwrthgymdeithasol a'u bod yn gofalu amdanynt eu hunain dros y penwythnos.

“Rwy'n deall bod pobl am ddathlu yn dilyn straen yr arholiadau a dechrau'r gwyliau hanner tymor. Fodd bynnag, rwy'n gofyn i chi wneud hynny mewn ffordd nad yw'n cael effaith negyddol ar eich cymuned.

“Rydym wedi rhoi mesurau ychwanegol ar waith i ddelio ag unrhyw ymddygiad gwrthgymdeithasol y penwythnos hwn, a byddwn yn cymryd camau cadarn yn erbyn unrhyw un sy'n ymddwyn felly.”

• Sgwrs Fyw https://www.south-wales.police.uk/cy-GB/
• Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
• E-bostiwch [email protected]
• 101
• Neu Crimestoppers yn ddienw ar 0800 555 111

Ffoniwch 999 bob amser mewn argyfwng.