Carcharu dyn o Abertawe am droseddau rhyw yn erbyn plant

 

Mae dyn o Abertawe wedi cael ei garcharu am gyflawni nifer o droseddau rhyw yn erbyn plant.

Anfonodd Phillip Bowler, o Mount Pleasant, negeseuon o natur rywiol at ei ddioddefwr cyn cwrdd ag ef i'w orfodi i ddileu'r negeseuon hynny. Yna, cyffyrddodd â'r dioddefwr yn amhriodol.

Yn ddiweddarach, anfonodd Bowler sawl neges arall at ei ddioddefwr, gan wneud cryn ymdrech i'w ysgogi i ymgymryd â gweithgarwch rhywiol. Gwnaeth hefyd anfon fideo o natur rywiol ohono'i hun at y dioddefwr.

Cafodd Phillip Bowler ei ddedfrydu heddiw i bedair blynedd a hanner yn y carchar am gyfathrebu'n rhywiol â phlentyn, ysgogi plentyn i ymgymryd â gweithgarwch rhywiol a threfnu/hwyluso troseddau rhyw yn erbyn plant.

Bydd yn droseddwr rhyw cofrestredig am oes.

Dywedodd y Ditectif Arolygydd Sharon Gill-Lewis:

“Ar ôl cael ei gam-drin gan Phillip Bowler am gyfnod hir o amser, penderfynodd ei ddioddefwr yn ddewr ddatgelu ymddygiad Bowler i aelod o'i deulu yn gyntaf ac yna i'r Heddlu.

“Mae'r ddedfryd hon yn dangos na fydd y math hwn o droseddu yn mynd heb gosb. Manteisiodd Phillip Bowler ar blentyn diamddiffyn mewn modd anfoesol, ac yn haeddiannol mae bellach yn dechrau dedfryd o garchar.”

Gellir dod o hyd i'n canllawiau ar roi gwybod am droseddau rhywiol yma: Rhoi gwybod am droseddau rhywiol: Gwybodaeth a chanllaw ategol | Heddlu De Cymru (south-wales.police.uk)

Mae ein canllaw ar roi gwybod am droseddau rhywiol ar-lein ar gael yma: Riportio trosedd rywiol ar-lein | Heddlu De Cymru (south-wales.police.uk)