Menyw o Gastell-nedd Port Talbot wedi'i charcharu am gyflenwi cyffuriau anghyfreithlon

 

Mae menyw o Gastell-nedd Port Talbot wedi cael ei charcharu am ei rôl yn cyflenwi cyffuriau Dosbarth A.

Roedd Tracey Crew, 58 oed o Aberafan, yn destun gwarant chwilio yn ei chyfeiriad cartref ar 29 Tachwedd. Pan gyrhaeddodd y swyddogion, pwyntiodd at fag siopa plastig yn cynnwys cocên, swm mawr o arian papur, llyfr nodiadau a thin cawl ffug a oedd yn cynnwys sawl rôl fawr o bowdr gwyn.

Daethpwyd o hyd i ragor o sylweddau, arian parod a chyfarpar cyffuriau yn ystod chwiliad o'r cyfeiriad, a daethpwyd o hyd i sawl planhigyn canabis mewn ystafell gwely.

Ar ôl pledio'n euog, mae wedi cael ei dedfrydu i dair blynedd yn y carchar am fod â chocên yn ei meddiant gyda'r bwriad o'i gyflenwi. Cafodd dedfryd flaenorol o 12 mis am fod â chanabis yn ei meddiant gyda'r bwriad o'i gyflenwi hefyd ei gweithredu, sy'n golygu ei bod wedi'i dedfrydu i bedair blynedd yn y carchar.

Dywedodd y Ditectif Ringyll Heather Southway:

"Cafodd Tracey Crew ei dal yn defnyddio ei chyfeiriad cartref fel safle ar gyfer ei hymgyrch cyflenwi cyffuriau ac mae bellach yn dechrau ei dedfryd o garchar.

"Yr unig beth mae cyflenwyr cyffuriau fel hyn yn poeni amdano yw'r arian y maent yn ei wneud o ganlyniad i'w masnach anghyfreithlon, ac nid ydynt yn poeni dim am yr holl fywydau y mae cyffuriau yn eu dinistrio.

"Fel y mae'r ddedfryd hon a dedfrydau diweddar eraill wedi ei ddangos, byddwn yn gweithredu yn erbyn y rhai sy'n ymwneud â chyflenwi cyffuriau anghyfreithlon. Byddant yn cael eu harestio, a byddant yn mynd i'r carchar."

I gael gwybodaeth am ein Strategaeth Camddefnyddio Sylweddau a Lleihau Niwed ar gyfer 2022-2025, gweler yma: Strategaeth Camddefnyddio Sylweddau a Lleihau Niwed 2022-2025 | Heddlu De Cymru