Diweddariad: Apêl i ddod o hyd i Charlene Hobbs

Mae'r heddlu yng Nghaerdydd yn parhau i ymchwilio i ddiflaniad Charlene Hobbs nad yw wedi cael ei gweld ers sawl mis.

Mae Charlene, 35 oed, yn dod o ardal Glan yr Afon yn y ddinas. Yn ogystal â Chaerdydd, mae gan Charlene gysylltiadau ag ardal Bryste.

Mae ditectifs am gael gwybodaeth am ei symudiadau a'i lleoliadau ers iddi gael ei gweld ddiwethaf ym Mharc Manwerthu Bae Caerdydd tua 10.30am ddydd Gwener, 19 Gorffennaf.

Mae dyn 45 oed o Adamsdown yng Nghaerdydd, a gafodd ei arestio mewn cysylltiad â'r ymchwiliad hwn, wedi cael ei ryddhau ar fechnïaeth nes y bydd ymchwiliadau pellach wedi cael eu cwblhau.

Dywedodd y Ditectif Brif Arolygydd Matt Davies:

“Rydym yn parhau i geisio gwybodaeth gan y cyhoedd am leoliadau Charlene.

“Rydym yn cadw meddwl agored o ran symudiadau Charlene ond rydym yn parhau i fod yn bryderus iawn am ei llesiant.

“Gallai unrhyw wybodaeth, ni waeth pa mor ddibwys ydyw yn eich barn chi, ein helpu i ddod o hyd iddi felly cysylltwch â ni.

“Rwyf hefyd yn apelio ar Charlene yn uniongyrchol i gysylltu â ni i roi gwybod i ni dy fod yn ddiogel.”

Gofynnir i unrhyw un sydd â gwybodaeth gysylltu â Heddlu De Cymru gan ddyfynnu'r rhif cyfeirnod 2400353044.

Gellir cyflwyno gwybodaeth a deunydd fideo ar ddyfeisiau megis ffonau symudol, camerâu teledu cylch cyfyng, clychau drws neu gamerâu dashfwrdd drwy'r ddolen hon: https://mipp.police.uk/operation/62SWP24B95-PO1

Neu:

• Sgwrs Fyw https://www.south-wales.police.uk/cy-GB/
• Cysylltwch â ni drwy https://bit.ly/SWPProvideInfo
• E-bost [email protected]
• 101

Ffoniwch 999 bob amser mewn argyfwng.