Apêl i ddod o hyd i Charlene Hobbs sydd ar goll

Mae'r heddlu yng Nghaerdydd yn ymchwilio i ddiflaniad menyw 37 oed o ardal Glan yr Afon.

Mae ditectifs am gael gwybodaeth am symudiadau a lleoliadau Charlene Hobbs nad yw wedi cael ei gweld ers 7 Gorffennaf 2024.

Mae dyn 45 oed o Adamsdown yng Nghaerdydd wedi cael ei arestio mewn cysylltiad â'r ymchwiliad ac yn cael ei holi yng ngorsaf heddlu Bae Caerdydd.

Dywedodd y Ditectif Brif Arolygydd Matt Davies:

“Rydym yn apelio ar unrhyw un a all fod â gwybodaeth a fydd yn ein helpu i ddod o hyd i Charlene nad yw wedi cael ei gweld ers dechrau mis Gorffennaf.

“Rydym yn cadw meddwl agored o ran lleoliad Charlene ond rydym yn bryderus iawn am ei llesiant.

“Gallai unrhyw wybodaeth, ni waeth pa mor ddibwys ydyw yn eich barn chi, ein helpu i ddod o hyd iddi felly cysylltwch â ni.

“Rwyf hefyd am apelio'n uniongyrchol i Charlene. Os wyt ti'n darllen hwn, cysyllta â'r heddlu i roi gwybod i ni dy fod yn ddiogel.”

Gofynnir i unrhyw un sydd â gwybodaeth gysylltu â Heddlu De Cymru gan ddyfynnu'r rhif cyfeirnod 2400353044.

Gellir cyflwyno gwybodaeth a deunydd fideo ar ddyfeisiau megis ffonau symudol, camerâu teledu cylch cyfyng, clychau drws neu gamerâu dashfwrdd drwy'r ddolen hon:  https://mipp.police.uk/operation/62SWP24B95-PO1

Neu

 

Sgwrs Fyw https://www.south-wales.police.uk/cy-GB/

Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/

E-bost [email protected]

101

Ffoniwch 999 bob amser mewn argyfwng